Danimarka është gjysmëfinalistja e tretë e Kampionatit Europian, pasi arriti të mposhtë Çekinë me rezultatin 2-1.
Një ndeshje e luftuar deri në fund ajo e luajtur në Baku të azerbajxhanit, me danezët që shënuan dy herë në pjesën e parë me anë të Delaney në minutën e 5-të dhe Dolberg në minutën e 42.
Rezultatin për çekët e ngushtoi Schick, i cili arriti në kuotën e 5 golave në këtë Europian, duke bara zuar Cristiano Ronaldon, por goli i tij nuk mjaftoi për t’u kualifikuar në gjysmëfinale.
Tashmë Danimarka do të presë ndeshjen Ukrainë – Angli për të kuptuar kundërshtarin në gjysmefinale, por tifozët janë besimplotë se mund të përsëritet suksesi i vitit 1992, kur danezët arritën të fitojnë Kampionatin Europian. Edhe atëherë në portë ishte një Schmeichel, ndoshta, historia përsëritet.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!