Modelja Lei Kraja ka rrëfyer së fundmi detja nga jeta e saj personale, për shijet e saj por jo vetëm. Në një intervistë të dhënë për “Pushime on Top”, Lei Kraja u shpreh se është shumë romantike dhe nëse partneri nuk do i sillte kafen në shtrat do preferonte të qëndronte vetëm. E pyetur nëse aktualisht është në një lidhje, ajo u përgjigj pa dhënë shumë detaje.
“Flirt kemi, por … publicitet. Jam romantike, e pres kafen në shtrat, dua të përkëdhelem. Nëse jo, më mirë vetëm. Kush tha që jam vetëm?! Jetën private e kam thënë nuk e zbuloj, por kur të martohem do ta tregoj.”
Gjatë intervistës, prezantuesja sportive tha se sipas saj, politikani më sharmant është kryeministri Edi Rama dhe do të pëlqente ta intervistonte, ndërsa futbollisti më simpatik është Marash Kumbulla, por që nuk do dilte në takim me të, pasi është më i vogël në moshë.
“Edi Rama është politikani që do të doja të dëshiroja ta intervistoja, pasi është gaforre. Më pëlqen, është nice. Më pëlqen si vishet, nuk e votova por më pëlqen. Votën e mbaj të fshehtë. Më simpatiku nga futbollistët është Kumbulla, duke qenë se është shkodran dhe do bëhet një super yll. Më pëlqen më shumë kumbulla. Nga ana e pamjes është mirë. Në date s’do pranoja sepse është më i vogël se unë dhe nuk do dilja me një mashkull më të ri se vetja, kurrë se kam bërë. Asnjëherë, s’më ka rastisur, por më pëlqejnë meshkujt më të pjekur”, tha ajo.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!