Turisti bllokohet në Tropojë, policia dhe alpinistët e mbajnë në krahë rreth 10 km deri tek helikopteri

Një turist 46-vjeçar nga Bullgaria duke eksploruar zonën e Lekbibaj në Tropojë është dëmtuar në bjeshkët e Vranit duke ecur mbi disa shkëmbinj. Ai ka njoftuar në ambasadë dhe ka kërkuar ndihmë, pasi nuk ecte dot për shkak të dëmtimeve të marra.

Menjëherë kanë nisur kërkimet nga shërbimet e policisë, të cilët janë ndihmuar edhe nga disa aplinistë nga Kosova dhe pas disa orësh kërkime kanë gjetur turistin bullgar,

46-vjeçari është trasportuar rreth 10 kilometër në krahë, nga policët dhe aplinistët, deri në vendin ku është bërë e mundur ulja e helikopterit.

Njoftimi i policisë:

Policia e Tropojës dhe disa alpinistë nga Kosova i vijnë në ndihmë turistit bullgar. Një turist 46-vjeçar nga Bullgaria, duke eksploruar zonën e Lekbibaj, është dëmtuar duke ecur mbi disa shkëmbinj në bjeshkët e Vranit.

46-vjeçari ka njoftuar në ambasadë dhe ka kërkuar ndihmë, pasi nuk ecte dot për shkak të dëmtimeve të marra. Menjëherë kanë nisur kërkimet nga shërbimet e Policisë, të cilët janë ndihmuar edhe nga disa aplinistë nga Kosova. Pas disa orë kërkimesh u bë e mundur gjetja e turistit bullgar, i cili është trasportuar rreth 10 kilometër në krahë, nga shërbimet e Policisë, së bashku me aplinistët, deri në vendin ku është bërë e mundur ulja e helikopterit në Lekbibaj.

Më pas turisti është transportuar me helikopter në spitalin e Tropojë, ku ndodhet nën kujdesin e mjekëve, jashtë rrezikut për jetën. Turisti bullgar ka falënderuar Policinë dhe alpinistët kosovarë që i erdhën në ndihmë duke i shpëtuar jetën. Policia e Tropojës gjen rastin të falënderojë edhe njëherë alpinistët nga Kosova, të cilët bashkëpunuan me punonjësit e Policisë, për t’i ardhur në ndihmë turistit nga Bullgaria.

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP