Kryeministri Edi Rama ka nisur përgatitjet për ndryshimet në qeveri, të cilat pritet të ndodhin në shtator. Në 12 qershor Partia Socialiste mblodhi Kongresin e Jashtëzakonshëm, ndërsa u prezantuan pikat kryesore të mandatit të tretë qeverisës. Por gazeta ka mësuar se kryeministri Rama pritet të bëjë spastrime të forta brenda ekzekutivit. Sipas informacioneve nga selia rozë, mësohet se disa nga ministrat aktualë janë përgatitur dhe vënë në dijeni se në shtator nuk do të jenë pjesë e qeverisë “Rama 3”. Mësohet se arsyeja kryesore që zoti Rama ka menduar që të mos iu besojë më një portofol ministror disa prej anëtarëve aktualë të kabinetet të tij qeveritar, është performanca e tyre e dobët dhe prurjet e reja. Kjo do të thotë se në mbledhjen e Asamblesë Kombëtare të PS, që pritet të mbahet në fund të muajit gusht, shefi i qeverisë pritet të zbulojë emrat e një pjese të ministrave të qeverisë së re.
Shumë deputetë presin të futen në kabinet
Por përveç faktit se disa nga anëtarët e qeverisë “Rama 2” janë përgatitur për t’u larguar nga ekzekutivi, mësohet se ka edhe nga ata që janë në pritje për të dëgjuar nëse emri i tyre do të nominohet për t’iu bashkuar kabinetit të ri qeveritar që do udhëhiqet nga Rama. Sipas informacioneve, mësohet se disa deputetë të zgjedhur pritet të marrin bekimin e kryesocialistit për t’u bërë ministra të qeverisë “Rama 3”. Mirëpo, sikundër theksuan të njëjtët burime, mësohet se një pjesë e emrave të deputetëve që pritet të bëhen ministra, u përkasin prurjeve të reja. Kështu që, këto lëvizje dhe zhvillime nga selia rozë, tregojnë se disa ministra janë përgatitur të largohen dhe disa deputetë presin të futen në qeverinë e re 2021-2025. Ndërkohë, mësohet se kryeministri Edi Rama pritet që të ndës hkojë më pak të votuarit, duke i lënë jashtë qeverisë apo posteve të tjera parlamentare dhe atyre brenda partisë edhe pse ata mund të jenë zgjedhur deputetë, pasi ishin vendosur në listat fituese. Pra, kjo lëvizje tregon se në qeverinë e re dhe postet e tjera të larta do hyjnë ata që kanë kontribuar, duke çuar më shumë vota në hambarin e Partisë Socialiste në zgjedhjet parlamentare të 25 prillit.
Megjithatë, sinjalet se në qeverinë “Rama 3” do të ketë figura të reja i ka dhënë pak ditë më parë edhe kreu i grupit parlamentar të Partisë Socialiste, Taulant Balla gjatë një prononcimi për mediat. “Është kryeministri ai që do të vijë me propozimet e tij konkrete, të cilat ato duhet dhe gjithmonë kanë bërë një ndërthurje mes eksperiencave të konsoliduara dhe kontributeve të reja për t’i dhënë qeverisë sa më shumë energji dhe sa më shumë grintë për të çuar më përpara një sërë reformash dhe për të startuar reforma të reja”, deklaroi ai. Ndërkohë, Balla gjithashtu zbuloi se kur do të mblidhet Asambleja Kombëtare e PS, aty ku siç tha ai, pritet që kryeministri Rama të vendosë se kush do e drejtojë Kuvendin dhe për 4 vitet e ardhshme. “Si praktikë, gjithmonë në Asamblenë Kombëtare të fund gushtit, kryetari i partisë, i cili sipas rregullave të partisë sonë ka atributin për të bërë propozime konkrete”, nënvizoi Balla. Kjo deklaratë tregon se në shtator pritet të kemi surpriza sa i takon qeverisë së re, ku një pjesë dërmues e ministrave aktualë rre zikojnë të largohen.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!