Sali Berisha nuk përmbahet ndaj Xhorxh Soros: Një armik i demokracisë dhe kombit shqiptar!

Ish-kryeministri Berisha i ftuar në një intervistë në ‘Ora News’, ka komentuar deklaratat e ambasadores amerikane, Yuri Kim, në adresë të tij ditën e sotme, teksa shprehet se në 30 vite, ai është njeriu, politikani i miliona votave të shqiptarëve, më shumë se kushdo tjetër në historinë politike të këtij vendi.

Sipas Berishës, në rast se ai do të tërhiqej ndaj vendimit për shpalljen e tij non-grata nga Shtetet e Bashkuara të Amerikës, që është i bazuar vetëm në keqinformimin e Sekretarit Amerikan të Shtetit, z. Blinken nga burimet e Edi Ramës dhe Xhorxh Sorosit, ky i fundit një armik i demokracisë dhe kombit shqiptar.

“Në 30 vite jam njeriu i miliona votave të shqiptarëve, më shumë se çdokush tjetër në historinë e këtij vendi. Në këtë kontest skam asgjë personale, aq sa e kam partiake dhe kombëtare. Në gjykimin tim, në rast se unë do të tërhiqesha ndaj një vendimi që e kam theksuar dhe e theksoj është i bazuar në keqinformimin e sekretarit Blinken nga Edi Rama dhe Xhorxh Soros, një armik i demokracisë dhe kombit shqiptar.”, u shpreh ish-kryeministri Berisha.

Ish-kryeministri Sali Berisha u shpreh se akuzon Sorosin që futur të gjithë OJQ-nën dhe reformën në drejtësi nën ombrellën e PS-së.

“Rama dhe Thaçi kanë qenë promotorë të ndarjes së kufijve. Këta mashtrues u thanë se këtë e ka bërë Sali Berisha duke bërë konspiracion dhe unë jam futur në black listë, gjë të cilën e ka shpallur Edi Rama në vitin 2019. Unë Sorosin e akuzoj me baza. Unë e kam akuzuar se ka ndërtuar një monizëm duke futur të gjitha OJQ-të nën ombrellën e PS-së. Po ashtu e ka futur drejtësinë shqiptare nënë ombrellën e PS-së. Kjo reformë u nis nga Fondacioni i Shoqërisë së Hapur. Unë kam qenë vokal sikundër edhe Edi Ramës, për kompanitë të naftës së Soros.”, vijoi më tej z. Berisha.

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

SHQIPERIA IME GRUP