Qindra qytetarë, dhjetëra kamionë, autobusë dhe vetura të vogla prej më shumë se një ore janë bllokuar në Pikën e Kalimit Kufitar të Kakavijës. Sipas informacioneve të mbërritura në newsbomb.al mëngjesin e sotëm, pala greke ka pezulluar punën pa arsye.
Siç shihet nga fotot, në të dyja anët Doganës kanë nisur të krijohen radhë të gjata mjetesh pasi asnjë nga udhëtarët dhe shoferët nuk ka qenë i njoftuar për pezullimin e punës. Sapo kanë mbërritur në Kakavijë, ata kanë parë që pala greke ka mbyllur sportelet dhe ka p ezulluar punën.
Deri tani nuk ka ndonjë njoftim zyrtar nga Pika e Kalimit Kufitar për arsyet e këtij pezullimi që ka lënë në pritje qindra qytetarë në të dyja anët e kufirit. Këto radhë pritet të shtohen më shumë në orët në vazhdim pasi nga autoritetet e vendit fqinj nuk ka pasur dhe nuk ka ende asnjë mesazh e njoftim për arsyet e pezullimit të tyre.
Më shqetësues është fakti se mes qytetarëve që presin të kalojnë kufirin, ka fëmijë dhe të moshuar të cilët kanë dalë nga makinat, dhe qëndrojnë me shpresë për rikthimin në punë të doganierëve grekë. Të shumtë janë shqiptarët që kthehen në atdhe për të takuar familjarët e tyre dhe për të kaluar pushimet, ashtu si turistët e huaj.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!
Të paktën 16 persona u shtruan në spital dhe 25 dyshohet se kanë vdekur sot…
Muaji tetor duket se ka ardhur me rënie të temperaturave në vlerat minimale dhe maksimale…
Një ngjarje e rëndë ka ndodhur në Itali, ku dy persona janë vrarë me armë…
Mëngjesin e sotëm në orën 06:14, një tërmet me magnitudë 4 ballë të shkallës Rihter…
Eni Çobani ka zbuluar pse ndahen çiftet në Shqipëri. Sipas saj, shkak kryesor është impotenca…
Fillimi i kësaj jave mbetet me mot të qëndrueshëm me intervale të gjata me diell,…