UEFA ka hapur një hetim ndaj Anglisë, pas një incidenti që ndodhi gjatë gjuajtjes së penalltisë nga Harry Kane.
Pak para gjuajtjes së penalltisë, një nga tifozët i ka hedhur rreze lazer në sy portierit të Danimarkës Kasper Schmeichel gjatë gjysëmfinales, për ta shpërqëndruar.
Fotografitë që u publikuan në media treguan një dritë jeshile në fytyrën e Schmeichel.
Schmeichel arriti që të priste topin e parë, por Kane, duke shfrytëzuar mosorganizimin e duhur të mbrojtjes, e goditi sërish dhe e çoi topin në rrjetë.
Për këtë veprim, Anglia e cila do të përballet me Italinë në finale, mund të dënohet me gjobë.
Anglia akuzohet gjithashtu për shkaktimin e një “shqetësimi” gjatë këndimit të himnit kombëtar të Danimarkës dhe vendosjen e fishekzjarreve.
“Çështja do të merret nga Organi i Kontrollit, Etikës dhe Disiplinës së Uefa (CEDB) në kohën e duhur,” tha një deklaratë nga organi drejtues i futbollit Evropian.
Gjatë himnit kombëtar danez u dëgjua një farë brohoritje dhe që është kritikuar nga zëdhënësi zyrtar i Kryeministrit Boris Johnson.
Pas lojës, përfaqësuesit danezë u pyetën nëse dëshironin të bënin një ankesë zyrtare, por thanë se nuk dëshironin ta çonin çështjen më tej.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!
