Year: 2024

Një ngjarje e rëndë ka ndodhur në Jaipur të Indisë ku si pasojë kanë humbur jetën 11 persona dhe 40 të tjerë janë plagosur, pasi një kamion i ngarkuar me kimikate u përplas me disa automjete të tjera. Ndërsa 20 persona të tjerë kanë pësuan djegie të rënda. Siç raportohet zjarri ka shkrumbuar dhjetëra automjete.

Ndër mjetet e shkatërruara ishin 29 kamionë, 2 autobusë pasagjerësh, 2 cisterna benzine, 3 makina, 3 motoçikleta dhe 2 automjete kamionçinë. Një fabrikë tubash aty pranë dhe një autobus u dëmtuan rëndë gjithashtu. Dëshmitarët okularë raportuan se i panë flakët nga gati një kilometër larg, ndërsa autoambulancat dhe automjetet e zjarrfikësve nxituan drejt zonës së përplasjes.

Një shofer furgoni shkolle që po shkonte për të marrë nxënësit tregoi me tmerr pamjen e një burri të përfshirë nga flakët. Shoferi i furgonit të shkollës i tha PTI-së se flakët ishin të dukshme nga një kilometër larg dhe kishte panik dhe kaos në autostradë.

“Kur u afrova pranë vendit, pashë njerëz që vraponin me nxitim dhe bërtisnin për ndihmë. Pashë një burrë të përfshirë nga flakët. Ishte një skenë e frikshme. Aty ishin zjarrfikësit dhe ambulancat, por e kishin të vështirë të arrinin në vend. fillimisht”, tha ai.

Policia tha se ka gjasa që disa persona të mos mund të dalin nga automjetet e tyre dhe të jenë djegur brenda. Zyrtarë të lartë të policisë dhe zjarrfikësve kanë shkuar në vendngjarje për të vënë nën kontroll flakët. Ndërsa Ministri i Shëndetësisë tha se një ‘korridor i gjelbër’ është ngritur nga vendi i aksidentit deri në spitalin SMS.

A tanker full of chemicals exploded in front of Delhi Public School, causing a massive fire in Jaipur on Ajmer Highway. 4 people were killed, 30 others injured, and 20 vehicles, including a sleeper bus, were engulfed in flames.@NewIndianXpress @santwana99 @Shahid_Faridi_ pic.twitter.com/xKycQMJW6C

— Rajesh Asnani (@asnaniraajesh) December 20, 2024

Gjatë orëve të para të mëngjesit të sotëm, një aksident i rëndë ka ndodhur në zonën e ish-kënetës në Durrës.

Një automjet tip Volkswagen me targa angleze FT6IMSV, është përplasur me një SCANIA me targa AA445HX, ku ky mjet ka qenë i ndaluar.

Sipas informacioneve, personi që ndodhej në automjetin Volkswagen ka humbur jetën.

Viktima është identifikuar si Denis Hoxha, 22-vjeç.

Durrës/Informacion paraprak

“Në orët e para të mëngjesit, në lagjen nr. 17 Durrës, në rrugën “Vllazërimi”, shtetasi D.H., 22-vjec, ka humbur kontrollin e drejtimit të automjetit, duke u përplasur me një trajler të parkuar.

Si pasojë shtetasi Denis Hoxha, ka humbur jetën në vendngjarje.

Grupi hetimor po punon për sqarimin e plote te rrethanave të aksidentit”, njofton policia.

Paqëndrueshmëria atmosferike që ka përfshirë vendin tonë do të vijojë deri në orët e mëngjesit të ditës së shtunë.

Reshje shiu me intensitet të ulët deri mesatar deri në orët e mëngjesit të ditës së shtunë. Në relievet malore në verilindje reshje bore me intensitet të ulët.

Permirësim i përkohshëm i kushteve atmosferike pritet për diten e diel, ku moti parashikohet të jetë me alternime vranësirash e kthjellimesh.

Era pritet të fryjë nga kuadrati i veriut me shpejtësi mesatare deri në 7m/sek, ndërsa përgjatë vijës bregdetare e lugina deri në 16-20m/sek.

Ditën e sotme, Ani Simaku, nipi i Parashqevi Simakut, ka arritur të takohet me këngëtaren pas gjithë bujës në rrjet ditët e fundit.

Këtë e bëri të ditur Elton Ilirjani përmes disa postimeve në Instagram.

Si fillim Ilirjani postoi një foto ku shihej Ani krah Parashqevisë e më pas disa video ku flet për takimin me këngëtaren dhe gjendjen e saj.

Pjesë nga biseda:

Elton Ilirjani: Ani, si je? Unë jam Elton Ilirjani. U takuam së bashku në New York. Si e gjete Parashqevinë?

Ani: Parashqevinë e gjeta në gjendje shumë të mirë.

Elton Ilirjani: Je i kënaqur me punën që kemi bërë unë dhe Elvira?

Ani: Jam shumë i kënaqur. Ju falenderoj jashtë mase.

Elton Ilirjani: Ku po qëndron Parashqevia?

Ani: Unë jam bashkë me Parashqevinë. Gëzohem që halla është bërë më mirë.

Elton Ilirjani: Çfarë do bëjmë sot?

Ani: Sot do hamë në një restorant shumë të famshëm.

Elton Ilirjani: Pra, ti e gjete mirë hallën, nuk është se është marrë peng nga unë dhe Elvira?

Ani: Jo, jo, fare. Ju falenderojmë shumë.

Elton Ilirjani: Domethënë, ti flet në emër të gjithë familjes Simaku?

Ani: Po, po.

Elton Ilirjani: Çfarë do tu thuash këtyre çunave që më ofendojnë mua dhe Elvirën?

Ani: E bëjnë nga zilia. Janë xhelozë.

Elton Ilirjani: Domethënë ti thua janë xhelozë që Parashqevia është ndër shoqet e mia më të mira tani.

Ani: Normale

Elton Ilirjani: Ju që flisni keq, Parashqevia është me nipin e saj, është shumë mirë, prandaj mos harxhoni frymën kot [të ofendoni].

Rritet bilanci i viktimave nga tragjedia në Gjermani, ku një makinë hyri përmes turmës duke përplasur dhjetëra qytetarë në një treg Krishtlindjesh në Magdeburg.

Mediat gjermane raportojnë për 11 të vdekur dhe dhjetëra të plagosur, deri në 80.

Ndërkohë që policia deri më tani ka konfirmuar vetëm një të vdekur.

Lajm në përditësim…

Hysen, Amarildo dhe Hygerta Meta, tre fëmijët e të ndjerit Pëllumb Meta do të gjykohen nga Gjykata e Durrësit.

Prokuroria ka mbyllur hetimet dhe ka “kopsitur” dosjen në ngarkim të tyre, duke i akuzuar për disa vepra të rënda penale.

Dy djemtë dhe vajza vendosën në muajin Shkurt të vitit të kaluar që të vrisnin me armë zjarri babanë e tyre dhe më pas, në bashkëpunim me njëri-tjetrin, e groposën atë në kasollen e lopës. Trupi u zbulua pas më shumë se 10 ditësh.

Për Hysenin, djalin e madh të familjes Meta, Prokuroria e Durrësit ka ngritur akuzën “Vrasje me paramendim”. Për të njëjtën vepër penale akuzohet dhe vajza, Hygerta, ndërsa djali tjetër Amarildo akuzohet për “Asgjësim të kufomës”.

Kujtojmë që ngjarja e rëndë ka ndodhur më 10 shkurt. Ekzekutori ka qenë vëllai i madh i familjes, Hysen, i cili është arrestuar së bashku me vëllain tjetër Amarildo Meta, ky i fundit për bashkëpunim në vrasje.

Mirëpo, vajza Hygerta Meta vetë deklaroi në polici se ishte ajo autorja dhe se e kishte bërë vrasjen për shkak se babai ishte shumë autoritar dhe donte ta fejonte me zor, ndërsa kjo e fundit dëshironte që të ndiqte shkollën.

Ka qenë një nga djemtë e Pëllumb Metës që u paraqit pranë Komisariatit të Durrësit më 13 shkurt duke denoncuar zhdukjen e së atit. Që prej atij momenti blutë e qytetit bregdetar filluan kontrollet dhe fillimisht gjetën makinën e të ndjerit, të parkuar në aksin Shënavlash-Parku Rinia që ishte shumë larg nga banesa e tij.

Policia kishte dyshime se kishte të bënte me një ngjarje kriminale dhe nisi marrjen në pyetje të gjithë anëtarëve të familjes, nga ku më pas u zbulua se Pëllumb Meta ishte vrarë e groposur nga fëmijët e tij.

Artisti Robert Aliaj ka bërë një deklaratë shokuese për këngëtaren Parashqevi Simaku.

Teksa të gjithë po ngrejnë lart figurën e saj, e po e ndihmojnë financiarisht, Aliaj u shpreh se çështja po ekzagjerohet. Në emisionin ‘Zonë e Lirë’, ai tha se e njeh nga afër Simakun dhe nuk ka qenë asnjëherë interesante për të. Sipas tij, ajo ishte me një mentalitet shumë fshatar dhe e pakultivuar.

“Ishte një qenie me një mentalitet shumë fshatar, e zgjuar por e pakultivuar, sigurisht këndonte lezetshëm. Është një artiste që ka manipuluar masën, ishte nga këto që shpëlante trutë e masës. E bënte ndaç me dashje, ndaç me dashje. Kështu e njoh unë Parashqevinë. Unë këndoja në estradën e shtetit, por unë personalisht nuk kam pasur asnjë lloj tërheqje se nuk përmbushte asnjë kriter estetik femëror për mua. Ishte simpatike, por për mua nuk ngjallte aspak interes. Kemi kënduar bashkë në skenë, por ishte një fshatare dhe kaq. Ka në Tiranë më fshatarë se ata që jetojnë në shpellë. Në aq vite, kishte rast dhe flisnim. Me atë kemi pasur përshëndetje, por nuk i mbaj mend asgjë. Ishte komplet jashtë çdo interesi që kam pasur unë si femër dhe si artiste. Ishte e zgjuar, e kapte situatën. Ishte më e zgjuar se shumë këngëtare më të talentuara se ajo që ishte ajo, e kapte situatën. Bëri diferencën se nuk ishte rebele fare, nuk ishte e lirë. Ne ishim të gjithë të shtypur në atë kohë, por ajo vetë si natyrë femërore dhe si formim, ishte më e shtypur. Nuk ishte vetëm faji i Parashqevisë”, tha Aliaj.

Parashqevi Simaku është vizituar së fundmi nga nipi i saj. Ky lajm është bërë me dije pak orë më parë nga vetë Elton Ilirjani i cili ka treguar se djali i vëllait të Parashqevisë ka udhëtuar drejt New York-ut ku dhe është takuar me hallën e tij.

Në një video të publikuar nga vetë biznesmeni i riu thotë me zë dhe figurë që gjendja e Parashqevi Simakut është shumë e mirë, teksa falenderon më tej Eltonin dhe Elvirën, dy njerëzit të cilët e shpëtuan artisten shqiptare nga stacioni i trenit ku dhe qëndronte prej kohësh.

Ndërkohë, një tjetër detaj që biznesmeni ka zbuluar është fakti se Parashqevi Simaku nuk dëshiron të ketë kontakte me persona të tjerë dhe ky është një vendim i marrë nga vetë këngëtarja dhe vëllai i saj, Arben Simaku.

“Nuk dua të replikoj me asnjë por vendimi që Parashqevi Simaku të mos ketë kontakte me të tjerë është marrë vetë nga ajo dhe vëllai i saj Arben Simaku. Parashqevi Simaku ndodhet në praninë e nipit të saj që ka ardhur dje në New York”, shkruan ai.

Tashmë ikona e muzikës shqiptare Parashqevi Siamku është bashkuar me nipin e saj, djalin e vëllait në SHBA.

Në një video të publikuar nga biznesmeni Elton Ilirjani, i cili strehoi këngëtares, shfaqet edhe nipi i saj, Ani Simaku, i cili shprehet se po qëndron bashkë me hallën e vetë (Parashqevinë) në New York.

Ndër të tjera Ani Simaku thotë se “hallën e gjeta në gjendje shumë të mirë”, ndërsa shpreh falënderimit për Ilirjanin në emër të gjithë familjes Simaku.

Elton Ilirjani: Ani si je?

Ani Siamku: Mirë!

Elton Ilirjani: Unë jam Elton Ilirjani! U takuam së bashku në New York, ishim njohur virtualisht. Si e gjete Parashqevinë?

Ani Siamku: Parashqevinë e gjeta në gjendje shumë të mirë. Jam shumë i kënaqur me ju. Ju falënderoj jashtë mase.

Elton Ilirjani: Ku qëndron Parashqevia dhe me kë qëndron?

Ani Siamku: Unë jam bashkë me hallën, jemi shumë të kënaqur.

Elton Ilirjani: Sot çfarë do bëjmë?

Ani Siamku: Sot do hamë në një restorant të mirë.

Elton Ilirjani: Hallën e gjete mirë? Nuk është marrë peng nga unë ?

Ani Siamku: Jo, jo! Ju falënderojmë shumë. Flas në emër të familjes Simaku. Ka një mesazh për ata që sulmojnë , nuk kanë çfarë të bëjnë, nga zilia.

Elton Ilirjani: Të dashur miq, sidomos ju që flisni keq, Parashqevia është me nipin e sa

Top Channel

Një tragjedi e re me emigrantët në Egje, në zonën detare pesë milje detare në lindje të Afantou Rodos.

Raportohet se drejtuesi i skafit humbi kontrollin për të shmangur anijet e Rojës Bregdetare, bëri manovra të rrezikshme dhe për pasojë disa emigrantë ranë në det.

Forcat e Rojës Bregdetare nxorrën tetë trupa nga deti, ku informacioni thuhet se mes tyre janë tre fëmijë, të moshës 2 deri në 8 vjeç.

Ndërkohë raportohet se janë shpëtuar 18 persona të tjerë që ndodheshin në skaf.

Një ngjarje e pabesueshme ka ndodhur muajin e kaluar në një shkollë të mesme në Nikosia, Qipro, ku një nxënës ka hyrë në shkollë me mbi 15,000 euro dhe ka shpërndarë një pjesë të konsiderueshme të tyre tek shokët e klasës.

Sipas mediave lokale, nxënësit kanë marrë shuma të mëdha parash, përfshirë një nxënës që ka marrë 3500 euro për të blerë një motor, ndërsa një tjetër ka marrë 500 euro.

Kjo situatë ka shkaktuar shqetësim të madh tek prindërit dhe mësuesit e shkollës, të cilët janë alarmuar për natyrën e pazakontë të ngjarjes. Drejtoria e shkollës ka kërkuar nga nxënësit që të kthejnë menjëherë paratë që kanë marrë, por disa prej tyre tashmë i kanë shpenzuar ato.

Babai i një nxënësi që mori 500 euro, ka folur për mediat dhe ka shpjeguar se, kur e mori vesh se djali i tij kishte para, i kërkoi atij që t’i kthente ato. Ai tha se djali i kishte thënë se do t’i kthente paratë, por nuk e kishte bërë këtë.

Duke u shprehur për mediat, babai i nxënësit tha se ato para dukeshin sikur ishin të nxjerra nga një bankë dhe kjo i ka shkaktuar më shumë shqetësim.

Rasti ka nxitur ndërhyrjen e autoriteteve, dhe babai i studentit ka bërë denoncim në polici, duke shprehur dyshime të forta në lidhje me origjinën e parave dhe mënyrën si ato u shpërndanë në shkollë.

“Telefonova policinë dhe bëra denoncim. U thashë se si ka mundësi që një nxënës të mbajë 15,000 euro dhe t’i shpërndajë në shkollë. Diçka nuk shkon”.

Ndërkohë, drejtoria e shkollës ka kërkuar kthimin e parave të shpërndara, dhe ka thirrur familjen e nxënësit që mori 500 euro për t’i kthyer ato, por, sipas babait, asnjë student tjetër nuk është thirrur për të kthyer paratë.

Ky incident ka hapur një hetim për origjinën e parave dhe mundësitë e abuzimit të mundshëm me to. Autoritetet dhe shkolla janë duke e trajtuar ngjarjen si një çështje serioze, dhe shumë prindër janë të shqetësuar për ndikimin që mund të ketë kjo ngjarje tek nxënësit e tjerë.