Temperatura minimale deri në -1 Gradë Celsius, si parashikohet moti për fundjavën

Vendi ynë gjatë fundjavës do të vijojë të jetë nën ndikimin e kushteve atmosferike të qëndrueshme.

Moti parashikohet i kthjellët në të gjithë territorin përjashtuar vranësirat e pakta kalimtare në relievet malore në lindje.

Ndërsa temperaturat minimale do të arrijnë deri në -1 Gradë Celsius

Njoftimi i SHMU:

Për fundjavën që presim përpara vendi ynë do të vijojë të jetë nën ndikimin e kushteve atmosferike të qëndrueshme për shkak të masave ajrore të thata me origjinë perëndimore.

Moti parashikohet i kthjellët në të gjithë territorin përjashtuar vranësirat e pakta kalimtare në relievet malore në lindje.

Era do të fryjë e lehtë me drejtim kryesor nga kuadrati i veriut dhe shpejtësi mesatare 1-8m/s, ndërsa temperaturat (në mesditë) do të jenë pak gradë më të larta se ato mesatare të periudhës që ndodhemi duke prekur vlerat 21-22 grad celcius.