4 shenjat që tregojnë se miqtë që keni pranë janë ziliqarë të fshehtë

”Ziliqarët janë të kënaqur dhe ndjehen të suksesshëm vetëm kur shohin të tjerët tek dështojnë.” Mund të mos e keni dëgjuar më parë këtë shprehje të aktorit të njohur italian Pino Caruson, por me siguri tani po mendoni për të dhe për të gjithë njerëzit që ju rrethojnë; familjarë, miq, kolegë, të njohur e të panjohur, njerëz me të cilët ndani detaje të përditshme, ndjenja dhe emocione. Është momenti të hidhni sytë tek miqtë që ju rrethojnë dhe të zbuloni nëse në mesin tuaj keni ”miq” ziliqarë ose jo.

1.Ju bëjnë komplimente false: Tipari kryesor i një njeriu ziliqar është të tregojë të kundërtën, dmth që ai mund të jetë gjithçka, por jo ziliqar. Për këtë ju bën shumë komplimente false, thuajse të ezkagjeruara që siç thotë populli ‘’vijnë erë”.

2.Përpiqen të zbehin sukseset tuaja: Në qoftë se keni një mik ose mike që vazhdon t’ju thotë se gjithçka që keni arritur është fryt i fatit dhe rastësisë, e jo falë
aftësive tuaja. Duhet të tregohuni të kujdesshëm pasi mund të keni të bëni me një njeri ziliqar. Këta të fundit përpiqen të zbehin çdo sukses tuajin dhe nuk ju motivojnë kurrë për projektin e radhës.

3.Përpiqen t’ju imitojnë: Një tjetër tipar dallues i njerëzve ziliqarë është ‘’kopjimi’’ apo imitimi i ideve, qëndrimeve dhe sjelljeve tuaja.

4.Flasin keq për ty: Ziliqarët, edhe pse nuk duan të dalin hapur, shfrytëzojnë çdo moment për të folur keq për ty pas krahëve. Nuk është aspak çudi që ta bëjnë këtë edhe me njerëzit tuaj të afërt.