Një aksident i rëndë dë është regjistruar në autostradën C-32, pranë Barcelonës. Pamjet e aksidentit që tregojnë një autobus të përplasur në hyrjen e një tuneli kanë bërë xhiron e rrjetit, ndërsa nga 60 pasagjerë që ndodheshin në mjet, 3 prej tyre ndodhen në gjendje kritike për jetën.
Në momentin e aksidentit autobusi po udhëtonte midis qyteteve Santa Susanna dhe Palafolls.
Autobusi ka humbur kontrollin në hyrje të tunelit dhe është përplasur me murin anësor, me mjetin që ka ngecur në pozicion vertikal.
Autobusi po transportonte 60 punëtorë të Inditex nga Barcelona, në magazinat në pronësi të kompanisë në Tordera.
Për të ndihmuar në aksident janë aktivizuar 24 ekipe zjarrfikëse dhe dy helikopterë. Shërbimet e urgjencës kanë vazhduar me evakuimin e të gjithë pasagjerëve, pa të dhëna për viktima për momentin .
Siç njofton Departamenti i Shëndetësisë në Katalonjë, janë tre persona në gjendje kritike, njëri prej tyre shoferi, të cilët janë transferuar me helikopterë mjekësorë në spitale të ndryshme.
Tre persona të tjerë janë transferuar në gjendje më pak të rëndë në Mataró, ndërsa ndihmë mjekësore kanë marrë 52 persona.
Autostrada C-32, është ende e mbyllur midis Pineda de Mar dhe Tordera në drejtim të Gironas.
Të paktën 16 persona u shtruan në spital dhe 25 dyshohet se kanë vdekur sot…
Muaji tetor duket se ka ardhur me rënie të temperaturave në vlerat minimale dhe maksimale…
Një ngjarje e rëndë ka ndodhur në Itali, ku dy persona janë vrarë me armë…
Mëngjesin e sotëm në orën 06:14, një tërmet me magnitudë 4 ballë të shkallës Rihter…
Eni Çobani ka zbuluar pse ndahen çiftet në Shqipëri. Sipas saj, shkak kryesor është impotenca…
Fillimi i kësaj jave mbetet me mot të qëndrueshëm me intervale të gjata me diell,…