Një tërmet me magnitudë 7.4 goditi Kilin verior pranë kufirit të tij me Argjentinën të enjten vonë, njoftoi Shërbimi Gjeologjik i SHBA.
Epiqendra e tërmetit ishte 45 kilometra në juglindje të San Pedro de Atacama, Kili, një qendër turistike në skajin e shkretëtirës veriore.
Deri më tani, autoritetet e vendit të Amerikës Latine sigurojnë se nuk janë raportuar as viktima dhe as dëme të rënda materiale.
Presidenti Gabriel Boriç siguroi përmes X se; “deri më tani, nuk është raportuar për të lënduar apo dëme serioze, por ekipet në terren janë ende duke mbledhur informacion”.
Tërmeti kishte një thellësi prej 117 kilometrash (72 milje), sipas USGS, e cila ka të ngjarë të zvogëlojë intensitetin e lëkundjeve. Tërmeti i së enjtes goditi gjashtë provinca – Tarapacá, Antofagasta, Atacama, Coquimbo, Arica dhe Parinacota – tha shërbimi i urgjencës i Kilit.
Kili ndodhet në të ashtuquajturën “Unaza e zjarrit” në Paqësor, e cila është jashtëzakonisht e ndjeshme ndaj tërmeteve. Kilianët kanë ende kujtime të dhimbshme të një tërmeti me magnitudë 8.8 në vitin 2010 që shkaktoi një cunami dhe vrau 526 njerëz.
Rrjeti i Gjeoshkencës, tha se tërmeti i së enjtes ishte më intensivi që goditi Kilin që nga viti 2016, kur një tërmet me magnitudë 7.6 goditi jugun e vendit.
🇨🇱 | #AHORA • Fuerte #terremoto de profundidad intermedia y magnitud preliminar de 7.4, con epicentro localizado en el norte de #Chile, región de #Antofagasta, cerca de la triple frontera entre Chile, #Bolivia 🇧🇴 y #Argentina 🇦🇷. Profundidad: 130 km. El temblor también se… pic.twitter.com/veYt3hMaR1
— ALERTAS MUNDIAL 🗺️ (@AlertasMundial) July 19, 2024
Así reaccionan la mayoría de los Chilenos con un #Terremoto #Chile #Sismo #Temblor #Terremoto pic.twitter.com/9XjNxyjI6Y
— 💫✨Carolina Paredes✨💫 (@Caroline_walls6) July 19, 2024