Situata e motit për orët në vijim/ Lajda Porja jep alarmin: Shtrëngata dhe stuhi e fortë, rrezik për përmbytje

Meteorologia e njohur Lajda Porja, teksa ka folur lidhur me situatën e motit në vendin tonë, ajo shprehet se kjo fundjavë do jetë një fundjavë tipike vjeshte.

Sipas saj, reshjet dhe shtrëngatat e shiut do të jenë prezente pothuajse gjatë gjithë kohës, ndërsa temperaturat e ajrit do të pësojnë rënie.

Mes të tjerash, Porja thekson se kjo e premte do karakterizohet me reshje shiu të vazhdueshme.

Gjithashtu, sipas meteorologes edhe fundjava do ketë prezencën reshjesh, por e diela do t’i ketë më të pakta.

“Një fundjavë tipike vjeshte në këtë fundjavë. Reshjet kanë filluar që pas mesnatë dhe sot kanë përfshirë të gjithë territorin shqiptar. Parashikohet që dita e sotme të jetë me rrebeshe shiu gjatë gjithë ditës, herë pas here do shoqërohen me stuhi të forta ere, në fakt do kemi dhe rrezikshmëri përmbytje lokale,

kryesisht në zonat veriperëndimore dhe disa zona të ultësirës perëndimore, E shtuan dhe e diela me vranësira dhe reveshe shiu, ku të shtunën kemi rrebeshe të herëpashershme, kurse e diela, edhe pse do ti ketë prezente reshjet, do t`i ketë në sasi të pakta”, tha ajo.