Këngëtarja Leonora Jakupi u ka dalë në mbrojtje dy shqiptarëve të Kosovës, të cilët u kapën nga radarët e policisë në aksin Fier-Vlorë, me shpejtësi të frikshme prej 225 km në orë, teksa drejtonin mjetet e tyre luksoze ‘Lamborghini’ dhe ‘BMW.
Përmes një postimi në ‘Instastory’, këngëtarja shkruan se ata po sulmohen shumë, pasi janë kthyer në kryefjalën e mediave, jo vetëm shqiptare por edhe atyre zviceriane.
“Ç’keni more me gjithë këto sulme për mërgatën tonë? Jo po garojnë me vetura, jo po parkohen keq, s’po i respektojnë rregullat në komunikacion etj,” shkruan ajo në Instagram. “A mos jemi ne më të mirë se ata?
Apo keni harruar që jemi brumë i njëjtë? Lërini njerëzit, le të kënaqen në vendin e vet. Tek e fundit, secili paguan për gabimin e vet. Gëzuar Diasporë!”-shkruan Jakupi.
Dy shqiptarët e Kosovës u kapën nga radari në aksin Fier-Vlorë, por nuk i ndaluan policisë, duke vijuar garën e tyre. Ata u ndaluan në hyrje të qytetit të Vlorës, ku u gjobitën nga policia.
Lajmi u raportua edhe në gazetën zvicerane Blick.ch, ku shkruhej se automjetet luksoze ishin marrë me qira në Zvicër. Gara e frikshme e dy kosovarëve solli reagime të shumta në rrjet, të cilët kërkonin masë mtë rëndë sesa gjoba administrative, pasi mund të kishte shkaktuar pasoja fatale.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!
