Tashmë jemi në mes të sezonit turistik dhe pothuajse të gjithë i drejtohen detit për tu freskuar pak nga temperaturat e nxehta të këtij sezoni.
Disa pamje të publikuara nga spikerja e Klan News, Eni Mema tregojnë një numër të madh të kandilave të detit në plazhin e Durrësit.
Rritja e pazakontë e temperaturave javën e fundit ka mbipopulluar gjithë Mesdheun me kandila deti, përfshirë edhe bregdetin shqiptar.
Siç shihen dhe nga pamjet prania e tyre është e shumtë dhe ata shihen duke notuar të qetë në ujërat e kripura të detit Adriatik. Kandili i detit gjendet shpesh nëpër plazhe kur deti është i trazuar, njihen me këtë emër sepse po të prekin shkaktojnë të djegura në duar sikur të ishin hithra të vërteta.
Prekja nga një kandil deti shkakton jo vetëm djegie dhe irritime në lëkurë por ndikon negativisht edhe në organizmin e njeriut. Menjëherë sapo kandili i detit bie në kontakt me trupin e njeriut, ai lëshon gjemba ekstremisht të vegjël brenda në lëkurë, duke injektuar një lëng helmues.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!
