Dhjetra mjete dhe udhëtarë janë duke pritur prej orëve të para të mëngjesit në doganën e Kapshticës për të kaluar në anën tjetër të kufirit.
Radha e mjeteve të vogla dhe autobusëve është krijuar në tokën neutrale dhe territorin e doganës greke.
Reduktimi i personelit të policisë greke, e cila ka hapur vetëm një sportel në hyrje, po detyron qyetarët të presin disa orë për të kryer procedurat.
Fluksi i lartë i hyrje-daljeve po menaxhohet pa vonesa nga pala shqiptare, e cila punon me 3 sportele në dalje dhe 2 sportele për përpunimin e dokumentacionit të udhëtarëve dhe mjeteve që hyjnë në Shqipëri.
Autoritetet e kufirit i kanë kërkuar palës greke të shtojë sportelet dhe personelin per të evituar orët e pritjes dhe për të pershpejtuar procedurat e kalimit në territorin grek.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!