Author: admin

Ambasada e SHBA në vendin tonë njofton se pavarësisht dhënies së vizave për të udhëtuar në Amerikë, kontrolli do të jetë i vazhdueshëm me qëllim garantimin e sigurisë dhe integritetit.

Me anë të një mesazhi, ambasada thotë se “Departamenti i Shtetit i ShBA është i përkushtuar ta Bëjë Amerikën më të Sigurt përmes politikave më kërkuese”

Ambasada thekson se një masë thelbësore është kontrolli i vazhdueshëm i vizave për të gjithë individët.

“Kontrolli i vizave amerikane nuk ndalon pas lëshimit të vizës. Ne i kontrollojmë vazhdimisht mbajtësit e vizave për t’u siguruar që ata ndjekin të gjitha ligjet dhe rregullat e emigracionit të ShBA dhe ne do t’ua heqim vizat dhe do t’i dëbojme nëse nuk e bejnë këtë”, thekson ambasada.

Në tregun e këmbimit valutor shqiptar të ditës së sotme 23 mars 2025, një dollar do të blihet me 91 lekë dhe do shitet me 92.1 lekë.

Ndërkohë monedha evropiane euro do blihet me 98.4 lekë dhe do shitet me 99.2 lekë. Franga zvicerane sot në tregun shqiptar do blihet me 102.5 lekë dhe do shitet me 103.5 lekë.

Ndërsa paundi britanik do blihet me 117.2 lekë dhe do shitet me 118.2 lekë.

Nëse do t’ju pyesnim se cilat janë kafshët që shkaktojnë më shumë vdekje te njerëzit, jemi të bindur se pak do t’i vendosnin mushkonjat në listë. Këto insekte janë drejtpërdrejt përgjegjës për transmetimin e sëmundjeve të rrezikshme, si dengoja, ethet e verdha apo virusi Zika, dhe në shumë raste as pajisjet kundër mushkonjave nuk janë në gjendje t’i ndalojnë ato. Është një organizatë që po ofron një zgjidhje gjeniale.

Kolumbia, mes shumë vendeve të tjera, po përfiton nga një prej organizatave të financuara nga Fondacioni Bill dhe Melinda Gates, i cili synon të ndërhyjë rrënjësisht në mënyrën se si luftohen shumë sëmundje të shkaktuara nga mushkonjat. Sipas informacionit të publikuar në faqen e internetit të Programit Botëror të Mushkonjave, ka qenë Universiteti Monash ai që ka krijuar një sistem për të mbrojtur komunitetet e pambrojtura në mbarë botën kundër insektit të përmendur.

Për të fituar ndeshjen kundër sëmundjeve të tmerrshme, një bakter i thjeshtë ka veshur pelerinën e superheroinës. Emri i saj është Wolbachia dhe u zbulua në vitet 20 të shekullit të kaluar, megjithëse kërkimet me të nuk filluan deri në vitet 1970. Nga ky hulumtim u zbulua një çelës themelor për popullsinë botërore: ky është një mikroorganizëm që mund të modifikohet gjenetikisht te mushkonjat për të parandaluar transmetimin e sëmundjeve me pickimin e tyre.

Sipas një studimi të botuar në revistën Nature, një grup shkencëtarësh arritën të transferojnë llojin Wolbachia, i cili aktualisht përdoret nga Programi Botëror i Mushkonjave, te speciet e mushkonjave Aedes aegypti, të njohura edhe si mushkonja e dengës, ose etheve të verdha. Përveç kësaj, këto mushkonja të modifikuara gjenetikisht arritën të pushtojnë bashkëmoshatarët e tyre dhe të fillojnë të bëjnë punën për të cilën janë krijuar.

Që nga viti 2013, ky program ka prezantuar mushkonjat e modifikuara në Kolumbi, një vend ku gjysma e popullsisë, sipas të dhënave nga Programi Botëror i Mushkonjave, është e ekspozuar ndaj dengës, me një total prej 25 milionë njerëz që mund të infektohen në një moment. Përveç kësaj, duket se në vend është shfaqur edhe virusi Zika.

Që nga marsi i vitit 2023, janë 4 zona ku janë ndërhyrë me mushkonja që mbartin bakterin Wolbachia, duke arritur pothuajse 4.5 milionë njerëz dhe duke mbuluar një sipërfaqe prej 183 kilometrash katrorë. Natyrisht, duhet sqaruar se këto mushkonja lëshohen gjithmonë me pëlqimin e komuniteteve lokale, me pranim në shtetin e Amerikës së Jugut prej më shumë se 90%. Popullsia e tyre do të vazhdojë të përhapet dhe të mbrojë popullsinë e vendeve në të cilat janë lëshuar, si; Brazili, Vietnami, Australia apo Indonezia./oranews/

Më shumë sesa qenië të pavarura në këtë botë, foshnjet janë “zgjatim” i nënës pa të cilën nuk jetojnë dot! Foshnja nuk shkëputet nga kjo e fundit kur i pritet kordoni i kërthizës, por pas muajve të tërë ushqyerje me gji e forcimit të imunitetit. Të sapolindurit kanë një sistem imunitar të dobët dhe antikorpet i marrin pikërisht nga qumështi i gjirit !

Ata janë më të prirur të preken nga viruset e bakteret që qarkullojnë në ajër apo njerëzit që i mbartin, ndaj kërkohet një kujdes shumë i madh nëse je në kontakt me një foshnje të porsalindur.

Virusi më i rrezikshëm që mund të merret nga puthja e fëmijëve të vegjël është herpesi dhe mjekët e cilësojnë këtë infeksion të marrë si “puthja e vdekjes” pasi foshnja nuk e mposht dot atë virus që për të rriturin është mëse normal .Historia e dhimbshme vjen nga një nënë amerikane, e cila humbi të bijën vetëm 8 ditësh për shkak të një puthjeje. Rreth 14 mijë fëmijë vdesin çdo vit për shkak të këtij virusi.

Ndonëse për nënën e re shtatzënia nuk ishte e planifikuar, ajo shprehet se ishte mëse e lumtur për atë fëmijë që do të sillte në jetë! Shtatzënia ishte e vështirë, foshnja lindi para kohe për të qenë në këtë jetë vetëm për tetë ditë.

“Isha shumë e frikësuar, por ndihesha shumë e lumtur për atë krijesë që solla në jetë. Bërtita kur e pashë dhe e dëgjova zërin e saj. Sa shumë dashuri përjetova kur e mora në krahë. Peshonte 3.6 kg dhe ishte e bukur”.
Nëna tha se fëmija, në ditët e para të jetës, shpesh mbahej në krahë nga të afërmit dhe të miqtë, por pastaj ndodhi e paimagjinueshmja.

“Para se të sëmurej, nuk më interesonte nëse dikush e mbante, por nuk doja që të gjithë ta puthnin. Sinqerisht, si një nënë e re unë isha e shqetësuar për gjithçka, por nuk e imagjinoja që një fëmijë mund të merrte herpes”.
Foshnja, një ditë pas lindjes së saj, filloi të shfaqte probleme shëndetësore.

Pas 36 orëve të lindjes filloi të përjetonte simptoma që përfshinin mungesë energjie, oreks dhe sheqer të ulët të gjakut. Pas ditë së dytë foshnja duhej të transportohej në një spital tjetër për të marrë një shërbim më të specializuar.
Vajza filloi të kishte rritje të lëngjeve në mushkëritë e saj. Truri dhe mushkëritë ishin aq të fryra saqë venat në gjoks ishin të dukshme.
Ajo kishte marrë herpes nga dikush që e kishte puthur, por tek të porsalindurit kjo sëmundje bëhet vdekjeprurëse.