Shqip Lajme

Author: admin

  • ‘Oksigjeni iku komplet…’/ Xhensila rrëfen betejën e vështirë me Covid-19: I lutesha Zotit, më ler të jetoj vajzën

    Xhensila Myrtezaj është një ndër vajzat më të dashura të ekranit shqiptar. Së fundmi, ajo ka dhënë një intervistë për emisionin “E ardhmja është vajzë”, ku ka rrëfyer disa copëza nga jeta e saj.

    Xhensila ka folur për fëmijërinë, për familjen, Ajkën, Besin, projektet muzikore dhe momentet e vështira që ajo ka kaluar.

    Një prej tyre ka qenë vetëm pak muaj para kur ajo dhe vajza, Ajka u infektuan me Covid-19. Xhensila rrëfeu se ishte vogëlushja e saj e cila shfaqi për herët të parë simptomat dhe më pas ajo vetë, menjëherë ata si familje u karantinuan derisa menduan se gjithçka kaloi.

    Mirëpo, jo gjithçka mbeti me aq pasi Xhensila pasi rezuloi negative pati një tjetër moment të vështirë, aq të vështirë sa mendoi se jeta “kaq ishte”.

    “Një moment shumë i vështirë që unë kam kaluar ka qenë i këtij viti, lidhet me Covidin. Nuk kuptoja se çfarë vajza kishte, kishte temperaturë gjatë gjithë kohës dhe nuk i ulej. I bëj të gjitha ekzaminimet doli se nuk kishte virozë, infeksione.

    Por, unë këtë e kuptova pasi mua më iku nuhatja. Më kishte dhënë disa simptoma. U transferova te shpia në Lalëz u karantinuam, bashkë me vajzën edhe pse Besi nuk e kishte erdhi me ne qëndroi me ne bëri një sakfiricë shumë të madhe. Pasi vajza u shërua unë ndjeva që kisha simptomat e covidit. Pasi dolëm negativë të gjithë familjarisht, mendova se ja hodha. Gjatë kthimit nga Lalzit ishte ditë e dielë diku afër Vorës ndjej një goditje shumë të fortë në kraharor.

    Vajzën e kisha mbrapa, shtrëngova Besin dhe ai e kuptoi se çfarë kisha se isha e ftohtë. E vetmja gjë që mendova ishte se kaq ishte për mua, filluan të dridhurat, oksigjeni iku pothuajse komplet. E vetmja gjë që më erdhi O Zot pse tani që kam vajzën afër, pasi Ajka është aq e rritur sa të kuptojë. Shkuam te spitali Amerikan 3, kam shkuar me 175 të rrahurat e zemrës dhe 18 tensionin. Unë thjesht i lutesha Zotit që “o Zot më ler këtu ta jetoj vajzën, Besin, mos më humbasë mami mua se ka patur një jetë të vështirë”. Pas gjitha analizave dola se isha shkëlqyeshëm. Kardiologu më sugjeroi që është panik ataku. Unë nuk kisha dëgjuar kurrë, skam patur probleme të shëndetit mendor. Të gjitha frikërat që kam pasur shpërthyen në atë moment”, rrëfeu Xhensila.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Nga sot vendet e BE udhëtojnë pa kufizime, hyn në fuqi certifikatadixhitale e COVID-19

    Duke filluar nga dita e sotme, qytetarët në Europë do të kenë mundësi të kalojnë kufirin nëpërmjet certifikatës COVID, pa qenë nevoja t’i nënshtrohen masave kufizuese.

    Parlamenti i Bashkimit Evropian miratoi Certifikatën dixhitale Covid të BE në qershor, vendim që do të lejojë bllokun të rifillojë udhëtimin duke lejuar vendet anëtare të verifikojnë nëse udhëtarët janë vaksinuar, kanë testuar negativ për Covid-19, ose janë rikuperuar nga Covid -19.

    Certifikata e COVID përbëhet nga një kod QR që mund të mbahet në smartphone ose xhep. Për të kaluar, duhet që një person të jetë vaksinuar me një nga vaksinat e njohura nga Agjencia Europian e Barnave (EMA), që janë: AstraZeneca, Moderna, Pfizer dhe Johnson & Johnson. Në vendin tonë përdoren dy prej këtyre vaksinave, Pfizer dhe AstraZeneca.

    Certifikata nuk do të jetë një parakusht për lëvizjen e lirë dhe nuk do të konsiderohet një dokument udhëtimi. Shtetet e BE nuk do të mund të vendosin kufizime të mëtejshme udhëtimi për personat që kanë certifikatat, si karantina, vetë-izolimi ose testimi, përveç nëse ato janë të nevojshme dhe proporcionale për të mbrojtur shëndetin publik.

    Veç idesë fillestare të përdorimit të kësaj certifikate vetëm për udhëtime, Brukseli tani po inkurajon Shtetet Anëtare të bien dakord të përdorin dokumentin për të siguruar hyrjen në koncerte, festivale, teatro dhe restorante.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • “Mik i madh i Shqipërisë”/ Basha mesazh ngushëllimi për ndarjen nga jeta të ish- Sekretarit Amerikan të Mbrojtjes

    Kryetari i Partisë Demokratike, Lulzim Basha me anë të një mesazhi ka shprehur ngushëllimet e tij për ndarjen nga jeta të ish- Sekretarit Amerikan të Mbrojtjes, Donald Rumsfeld.

    Për Bashën, Rumsfeld ishte përfaqësuesi i një plejade të artë vendimmarrësish që e bënë botën më të sigurtë, më të lirë dhe demokratike.

    Po ashtu, kryedemokrati Basha thotë se Sekretari Rumsfeld do të përkujtohet dhe nderohet përherë si një mik i madh i Shqipërisë dhe i shqiptarëve, pasi ka dhënë një kontribut të paçmueshëm për anëtarësimin e vendit tonë në NATO.

    Mesazhi i kryetarit Basha

    Me trishtim mësova ndarjen nga jeta të ish-Sekretarit Amerikan të Mbrojtjes, Donald Rumsfeld, përfaqësues i një plejade të artë vendimmarrësish që e bënë botën më të sigurtë, më të lirë dhe demokratike. Sekretari Rumsfeld do të përkujtohet dhe nderohet përherë si një mik i madh i Shqipërisë dhe i shqiptarëve, kontributi i të cilit ka qenë i paçmueshëm për anëtarësimin e vendit tonë në NATO.

    Mirënjohje dhe nderim të thellë për këtë kampion të lirisë dhe ngushëllimet më të ndjera familjes, miqve dhe bashkëpunëtorëve të tij dhe popullit amerikan. U prehtë në paqe!

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Ushqyerja luan rol vendimtar në përballimin e vapës, pesë ushqimet më të mira për t’i konsumuar gjatë verës

    Ushqimet që zgjedhim të konsumojmë luajnë një rol parësor në shëndetin tonë, sidomos gjatë verës, kur temperaturat janë më të larta, oreksi mund të pakësohet dhe mund që edhe të digjemi ndopak nga dielli.

    Në këtë mënyrë, zgjedhjet më të shëndetshme të ushqimit janë sinonim i sezonit të verës. Të freskëta dhe të pasura me vitamina, frutat e kuqe dhe perimet jeshile janë sugjerimet për vaktet e verës.

    Qershitë

    Qershitë janë një burim i kaliumit dhe vitaminës C. Një studim tregoi se qershitë zvogëlojnë stresin oksidativ, dhimbjet e muskujve nga stërvitja dhe presioni i gjakut. Ato gjithashtu përmirësojnë gjumin.

    Perime me gjethe jeshile

    Zarzavatet me gjethe jeshile sigurojnë shumë lëndë ushqyese që ndihmojnë në parandalimin e gjendjeve të tilla si sëmundjet e zemrës, kanceret e caktuara, degjenerimi makular i lidhur me moshën dhe shumë probleme të tjera. Marule, rukola janë perime të stinës për sallatat verore.

    Luleshtrydhe

    Luleshtrydhet janë një superushqim që i siguron trupit një numër lëndësh ushqyese, të tilla si vitamina C, antioksidantë, fibra, kalium, etj. Shumë studime tregojnë se luleshtrydhet mund të ulin kolesterolin e dëmshëm LDL, nivelet e glukozës në gjak, rezistencën ndaj insulinës dhe faktorë të tjerë të rrezikut për sëmundje të tjera kronike.

    Domatet

    Domatet janë një burim i shkëlqyeshëm i vitaminës C, kaliumit dhe fibrave dhe jashtëzakonisht të ulëta në kalori, vetëm 20 kalori secila për një domate të mesme.

    Shalqi

    Është i pasur me vitamina A, B6 dhe C, minerale të kaliumit, magnezit dhe fosforit, si dhe likopen, antioksidantë dhe aminoacide. Shalqiri ka 92 përqind ujë, kështu që është një mënyrë shumë e mirë për të hidratuar trupin.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Muaji korrik nis me dyshime për këtë shenjë! Parashikimi i horoskopit, 1 korrik 2021

    Dashi

    Ky muaj do të nisë në mënyrë mjaft interesante, veçanërisht sa i takon projekteve të reja lidhur me punën. Ndonëse shumica e cilëson si periudhë pushimesh, për ju, kjo është koha e duhur për të nisur projekte të reja. Situata sentimentale mbetet kaotike, për shkak se jeni të pakënaqur, madje mund të ketë edhe tensione.

    Demi

    Do të jetë për ju një javë mjaft pozitive, sidomos pasi Venusi do të ketë ndikim të favorshëm në shenjën tuaj. Bëni mirë që të pranoni ndryshimet, edhe pse mund të mos i dëshironi.

    Binjakët

    Do të jeni të mbushur me energji dhe gjithë grintë gjatë kësaj jave. Hëna do të jetë në shenjën tuaj, duke bërë që muaji të nisë në mënyrën më të mirë të mundshme. Do të nisë për ju një verë e mbarë! Nga pikëpamja profesionale, do ju duhet që të hiqni dorë nga diçka.

    Gaforrja

    Do të ndiheni shumë të motivuar gjatë kësaj dite. Megjithatë përballë një projekti të ri, do të keni frikë se mos gaboni. Dashuria do të rikthehet protagoniste e të lindurve të kësaj shenje, bashkë me muajin e ri. Kështu që nëse ka pasur probleme apo keqkuptime, do të vijë momenti i rikuperimit. Ndërsa për ata që janë vetëm, nuk do të mungojnë mundësitë.

    Luani

    Kjo javë do të jetë mjaft e rëndësishme për ju! Do të keni mundësi që të dilni në pah dhe të vini në dukje gjërat për të cilat jeni të zotët. Yjet janë në anën tuaj, por nuk duhet të gaboni dhe të krijoni armiq. Shmangni humbjen e kohës me persona që nuk e meritojnë.

    Virgjëresha

    Do të jetoni një javë aspak në ritmin e duhur! Do të ndiheni mjaft konfuz, edhe sepse në raportin në çift keni përjetuar shumë tensione. Ju shpesh prireni që t’iu organizoni jetën të tjerëve, sidomos partnerit/es, dhe kjo gjë mund ta acarojë së tepërmi. Sa i takon punës, situata nuk do të jetë shumë e favorshme.

    Peshorja

    Dita e parë e muajit do ju gjejë të dekurajuar. Në sferën profesionale do të keni ndjesinë e ecjes në zbrazëti, duke u ndjerë sikur rrugët nuk iu çojnë askund. Ky është një moment kalimtar, ndaj bëni durim. Duhet të tregoheni të kujdesshëm, në mënyrë që tensionet e punës të mos i reflektoni në dashuri.

    Akrepi

    Do të jetë për ju një javë mjaft e rëndësishme, sidomos sa i takon situatave të mjegullta. Kjo pasi në punë, mund të hasni në probleme. Ndërkohë në raport me të tjerët, situata do të jetë më e përmirësuar.

    Shigjetari

    Kjo e enjte nuk do të jetë aspak ideale, ku mund të ndiheni disi të turbullt. Mos u dekurajoni, pasi gjërat do të përmirësohen në ditët në vijim. Në dashuri këshillohet që ti shprehni hapur ndjenjat. Lidhur me situatën ekonomike, planetet do ju vijnë në ndihmë.

    Bricjapi

    Ky muaj do të nisë i mbushur me dyshime, sa i takon raporteve me të tjerët. Nëse kohëve të fundit keni përjetuar një krizë në dashuri, gjatë këtyre ditëve mund të kthehen tensionet. Jeni të prirur që të mos harroni dhe as të kaloni traumat lidhur me sferën sentimentale. Nëse vini re se diçka nuk funksionon, nuk dini që të shtireni.

    Ujori

    Do të nisë për ju një fazë mjaft konfuze. Megjithatë duhet të qartësoheni me veten, edhe për të kuptuar se çfarë dëshironi realisht. Edhe në sferën profesionale ka diçka që nuk ju lë të qetë. Mundohuni që ta kaloni sa më parë këtë periudhë dhe të mos reagoni të acaruar.

    Peshqit

    Mund të përballeni me pasojat e disa veprimeve tuaja. Shpesh ju ndodh që ta gjeni veten të përfshirë në situata negative. Nëse për ju një histori dashurie nuk është e mbushur me emocione të forta, mund të distancoheni dhe të përjetoni shumë ankth. Yjet ju ftojnë që të arsyetoni në mënyrë më të qentë, edhe sepse Venusi do ju ndihmojë që ti peshoni mirë gjërat

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP