Author: admin

Sipas sinoptikanes se njohur Tanja Porja, sonte ne mbremje gjate natës si dhe ditët në vijim, kthjellohet Moti ne territorin shqiptar.

Termomemtri ka zbitur deri ne grade ne zonat e uleta dhe nje maksimum deri ne 12 grade celcius. Mengjesin e neserm temperatura te uleta ne mengjes edhe pse me diell. Ditet në vijim pritet rritje e temperaturave.

Pritet diell deri ditën e diel sipas sinoptikanes edhe pse mengjese dhe mbremje te ftohta, nderkohe ne mesdite priteten temperatura normale.

Pas ditës së premte priten dite te ngrohta dhe shume pak reshje deri nga data 31 Mars.

Monedha europiane arriti nivelet më të larta në më shumë se pesë muaj kundrejt dollarit amerikan, ndërsa parlamenti gjerman pritet të votojë një rritje masive të shpenzimeve.

Euro u mbiçmua me 0.25% në raport me dollarin amerikan këtë të martë.

Votimi i projektligjit të shpenzimeve për mbrojtjen dhe infrastrukturën që i lejon Gjermanisë të injektojë qindra miliarda euro duke gjallëruar atë që dikur ishte ekonomia më e fortë e Evropës, pritet ti japë një shtysë edhe më të madhe monedhës europiane.

Euro është forcuar me gati 7% kundrejt dollarit amerikan që prej janarit kur shënonte edhe vlerën më të ulët.

Propozimi I iniciuar nga kancerali I ardhshëm gjerman Merz do t’I lejojë Gjermanisë të shpenzojë 1% të prodhimit të brendshëm bruto ose 45 miliardë euro për mbrojtjen ndërsa parashikohet edhe krijimi I një fondi të posaçëm prej 500 miliardë euro për investime në infrastrukturë.

Tregu po vëzhgon gjithashtu zhvillimet mbi një marrëveshje të mundshme paqeje Rusi-Ukrainë, e cila do të ishte pozitive për monedhën europiane.

E kundërta ka ndodhur me dollarin amerikan i cili po luhatet ndjeshëm pasi frika se politikat agresive tarifore të presidentit Donald Trump mund të shkaktojnë një ngadalësim të gjerë ekonomik, kanë dobësuar monedhën e gjelbër.

Analistët janë në pritje të vendimit të Rezervës Federale e cila duket se do ta ketë të vështirë vendimarrjen mes shqetësimeve në rritje të inflacionit.

Zyrtarë të bankës amerikanë janë shprehur se lufta e përshkallëzuar do të ndikojë ekonominë amerikane dhe institucioni do të tregohet i kujdesshëm me vendimet për uljen e mëtejshme të normave të interesit, që drejtpërdrejt do të ndikojnë edhe kursin e këmbimit valuator.

Në tregun e këmbimit valutor shqiptar të ditës së sotme, një dollar do të blihet me 90.8 lekë dhe do shitet me 92 lekë.

Ndërkohë monedha evropiane euro do blihet me 99 lekë dhe do shitet me 99.7 lekë.

Franga zvicerane sot në tregun shqiptar do blihet me 102.5 lekë dhe do shitet me 103.7 lekë.

Ndërsa paundi britanik do blihet me 117.6 lekë dhe do shitet me 118.8 lekë.

Një varkë me 20 emigrantë është fundosur në brigjet e Qipros, mesditën e së hënës. Sipas agjencisë së lajmeve të Qipros (CNA), deri tani numri i të vdekurve ka shkuar në 7.

Mbytja e varkës ndodhi rreth orës 13:00 në një zonë 30 milje detare në juglindje të Kepit Greko, brenda Zonës së Përgjegjësisë së Kërkimit dhe Shpëtimit të Republikës së Qipros (Nikosia FIR) dhe jashtë ujërave territoriale.

CNA raporton se deri më tani janë shtatë të vdekur dhe dy të shpëtuar janë nxjerrë nga më shumë se 20 personat që duket se kanë qenë në bordin e varkës.

Në një deklaratë të lëshuar më herët nga Qendra e Koordinimit të Kërkim Shpëtimit (QSR), thuhet se operacioni është akoma duke u zhvilluar nën koordinimin e SRC ku marrin pjesë një anije luftarake, një helikopter dhe një avion pa pilot i Drejtorisë së Përgjithshme të Rojes Bregdetare, katër mjete të Policisë Portuale dhe Detare, një helikopter i Policisë, infermierë të Shërbimit të Ambulancës së Qipros dhe personel i Ambulancës së Qipros

Si gjithmonë, akrepat do të pësojnë një ndryshim ne muajin mars. Ora verore do të kthehet së shpejti.

Gjatë natës mes së shtunës, 29 mars dhe së dielës, 30 mars, do të rikthehet ora legale.

Në orën 2:00 të mëngjesit të së dielës, 30 mars, akrepat e orës do të zhvendosen një orë përpara, si dhe të gjitha oraret digjitale, dhe nuk do të rikthehen pas deri më 26 tetor

Ora verore do të qëndrojë në fuqi deri në tetor 2025.

Ndryshimi i orës kryhet natën sepse zakonisht në mes të natës transporti kryen më pak udhëtime.

Pra, nga e diela do të mund të përfitohet një orë shtesë drite dhe do të ketë avantazhe në konsumin e energjisë elektrike, të cilat janë edhe më të rëndësishme duke pasur parasysh periudhën e vështirë që po përballemi.

Ka të ngjarë që trupit tonë t’i duhen disa ditë për t’u përshtatur me ndryshimin e kohës, për shkak të orës biologjike të lidhur me ritmet cirkadiane.

Këto janë në vështirësi kur ndodhin ndryshime në kohë dhe në ritmin gjumë-zgjim.

Pse zbatohet ora legale?

Optimizimi i kursimit të energjisë – Ky ndryshim mund të sjellë një kursim më të madh të konsumit të energjisë elektrike, duke reduktuar nevojën për ndriçim artificial në një periudhë të vitit kur ditët fillojnë të zgjaten ndjeshëm.

Harmonizimi me vendet e tjera evropiane – Bashkimi Evropian ka vendosur një kalendar të unifikuar për ndryshimin e orës për të shmangur mospërputhjet mes vendeve anëtare, veçanërisht atyre me ekonomi dhe tregti të ndërlidhur.

Efekte pozitive në produktivitet dhe mirëqenie – Studime të ndryshme sugjerojnë se ora legale mund të ketë ndikime pozitive në shëndet dhe produktivitet, duke mundësuar më shumë ekspozim ndaj dritës natyrore gjatë orëve të punës.

Një tërmet i fortë me magnitudë 6.0 të shkallës Rihter goditi sot rajonin e Seramit në Indonezi, tha Shërbimi Gjeologjik Gjerman (GZF).

Tërmeti ka ndodhur në një thellësi prej 10 kilometrash, tha GFZ, raportoi Reuters.

Për momentin nuk ka të dhëna për viktima apo dëme materiale.

Vendndodhja e Indonezisë në kryqëzimin e pllakave tektonike të Paqësorit, Euroazisë dhe Australisë është shkaku i ekzistencës së një numri të madh vullkanesh dhe tërmetesh të shpeshta.