Shqip Lajme

Category: Koronavirus

  • Çfarë ndodh me të vaksinuarit që preken nga Covid? Njihuni me 4 simptoma të reja

    Britanikët e vaksinuar kundër Covid 19 po raportojnë simptoma unike, të padëgjuara deri tani.

    Shërbimi shëndetësor në vend raporton se nëse keni tështima të vazhdueshme, e ndërkohë jeni vaksinuar, kjo mund të jetë një shenjë se jeni infektuar sërish. Tre simptomat e tjera që po mbizotërojnë tek personat e imunizuar por që preken sërish nga sëmundja janë dhimbja e fortë e kokës, hundët që rrjedhin dhe fyti i acaruar. Ato konsiderohen për çdo të buta krahasuar me simptomat e forta të virusit fillestar si temperatura e lartë dhe kolla e vazhdueshme ngacmuese.

    Ekspertët thonë se në total, ka rreth 20 simptoma të Covid-it, ndaj jo gjithmonë është e lehtë të kuptohet me saktësi se çfarë po kalon personi. Megjithatë, për dyshimet që mund të kenë britanikëve u kërkohet që të këshillohen me mjekët specialist.

    Organizata Botërore e Shëndetësisë thotë se varianti shumë infektues Delta do të bëhet lloji mbizotërues në të gjithë botën, por një studim premtues tregoi se vaksina të caktuara me dy doza vazhdojnë të jenë mbrojtëse nga ky variant..

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Ky shtet i madh europian heq masat anti-Covid, mbi 70% e popullsisë e vaksinuar

    Belgjika ka hequr masat anti-Covid duke hequr kufirin në numrin maksimal të klientëve në dyqane dhe qendra tregtare.

    Për më tepër, masat janë zbutur për ngjarje të tilla si ngjarje kulturore, shfaqje ose sportive.

    U vendos që hapësirat e mbyllura, të cilat mund të strehojnë deri në 3.000 persona, të funksionojnë me kapacitet të plotë.

    Që nga 13 gusht, vizitorët që tregojnë një “biletë” që vërteton se janë plotësisht të vaksinuar, kanë një rezultat negativ duke bërë një test PCR brenda 48 orëve, ose janë shëruar kohët e fundit nga sëmundja, do të jenë në gjendje të marrin pjesë në ngjarjet në natyrë.

    Panairet tregtare, dasmat, ahengjet dhe pritjet gjithashtu mund të mbahen me një kapacitet deri në 250 persona.

    U vendos që aktivitetet rinore të tilla si kampe mund të kryhen me një maksimum prej 200 personash.

    Pas fushatës, në të cilën më shumë se 70 përqind e të rriturve u vaksinuan në Belgjikë , numri i vdekjeve duket se ka rënë shumë.

    Në ditët e para të shkurtit, kur sapo filloi fushata, numri i rasteve u rrit në 2,000 në ditë dhe në 5,000 në mars, ndërsa në mes të shkurtit 30 njerëz vdisnin çdo ditë, dhe në mars 25 njerëz vdisnin.

    Edhe pse rastet ditore aktualisht po i afrohen 1500 , numri i njerëzve që humbën jetën për shkak të Covid-19 ka rënë në 2 në ditë.

    Qeveria belge lehtësoi kufizimet në fillim të qershorit dhe shumica e ambienteve të brendshme u rihapën.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Nën ‘ethet’ e variantit Delta, ky shtet do aplikojë dozën e tretë të vaksinës anti-COVID

    Kryeministri izraelit Naftali Bennett ka bërë me dije se Izraeli do të fillojë aplikimin e dozës së tretë të vaksinës anti-COVID për qytetarët mbi 60 vjeç.

    Duke filluar nga dita e dielë qytetarët do të kenë mundësi të marrin dozën e tretë, ndërkohë që rreth 55% e popullsisë izraelite i ka marrë dy doza të vaksinës.

    “U bëj thirrje njerëzve të moshuar që tashmë janë vaksinuar, të marrin edhe dozën shtesë. Mbrojeni veten. Vendimi për dozën e tretë u bazua në kërkime dhe analiza të konsiderueshme, si dhe në rritjen e rrezikut nga varianti Delta”, tha Bennett.

    I pari që do të marrë dozën e tretë të vaskinës do të jetë presidenti Isaac Herzog.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Një ndër kompanitë më të mëdha në botë vendos kushtin, nuk kthehesh në punë pa u vaksinuar

    Nuk mund të futesh më brenda zyrave të GOOGLE nëse nuk je vaksinuar më parë.

    Gjiganti i teknologjisë nisi me zbatimin e politikës së vaksinimit të punonjësve dhe pret që brenda pak javësh të gjithë pjesëtarët e stafit të kthehen në kampuse të vaksinuar.

    Nuk bëhet fjalë për pak por po flasim për 144 mijë punonjës të Google në mbarë botën.

    CEO i Google, Sundar Pichai deklaroi në postimin e tij në blog se “Ata që vijnë për të punuar në kampuset e tyre duhet të vaksinohen”. Ai shtoi se procesi për këtë çështje do të ndryshojë sipas kushteve të rajonit, rregulloreve dhe mundësisë së vaksinës.

    Google ka shtyrë hapjen e plotë të kampuseve të saj në mbarë botën nga 1 shtatori më 18 tetor për shkak të rritjes së rasteve të reja të variantit Delta të koronavirusit të ri (COVID-19).

    Punonjësit e gjigantit të teknologjisë gjithashtu do të jenë në gjendje të aplikojnë për të vazhduar punën nga shtëpia deri në fund të vitit 2021, në rast të kushteve të veçanta.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Si po paraqitet gjendja nga pandemia? Publikohet harta e re e koronavirusit në Evropë

    Qendra Evropiane për Parandalimin dhe Kontrollin e Sëmundjeve (ECDC) lëshoi ​​një hartë të re të COVID-19 sot. Harta Epidemiologjike ECDC për Evropën botohet çdo javë bazuar në incidencën 14-ditore dhe proporcionin e testeve pozitive në numrin e përgjithshëm të testuar.

    Harta ECDC është këshilluese, por disa shtete anëtare mbështeten në të kur vendosin kufizime epidemiologjike pas kthimit në vend. Pjesa më e madhe e Greqisë, si dhe bregdetit mesdhetar të Francës dhe Sicilisë dhe Sardenjës, ishin në ngjyrë portokalli në hartën e javës së kaluar, dhe tani konkurrentët kroatë në turizmin veror janë shënuar me ngjyra më të errëta se bregdeti kroat.

    Kështu, ishujt në pjesën jugore të Detit Egje janë në “të kuqe të errët”, kjo është arsyeja pse ECDC këshillon të mos udhëtoni në këto zona, përveç nëse ka arsye thelbësore.

    Rajoni është shtëpia e destinacioneve të njohura turistike, të tilla si Mykonos, Santorini dhe Rodos, të cilat tërheqin miliona turistë çdo vit. Të gjithë destinacionet kryesore turistike të Greqisë janë me të kuqe ose të kuqe të errët, përveç rajonit ku ndodhen Samos, Chios dhe Lesbos i cili është në portokalli.

    Italia kontinentale është kryesisht portokalli, përveç Piedmont-it dhe Adriatikut Jugor të cilat janë me të gjelbër, ndërsa Sicilia dhe Sardenja janë me të kuqe. Qipro është shënuar me të kuqe të errët, dhe Malta me të kuqe. Bregdeti mesdhetar i Francës është i kuq, përveç Korsikës e cila është e kuqe e errët. Pjesa më e madhe e Spanjës është me ngjyrë të kuqe të errë dhe një pjesë më e vogël me të kuqe.

    Portugalia është shënuar me të kuqe, përveç Madeira e cila është me ngjyrë portokalli. Shumica e Evropës Qendrore dhe e gjithë Gjermania janë në të gjelbër. Vendet skandinave janë kryesisht të gjelbra, me përjashtim të Danimarkës me ngjyrë të kuqe portokalli, ndërsa Holanda, Irlanda dhe një pjesë e Belgjikës janë me të kuqe.

    E gjelbër në hartën e ECDC janë rajonet në të cilat shkalla e infeksionit 14-ditor për 100,000 popullsi është më pak se 50, dhe përqindja e pozitivëve të testuar nga COVID-19 është më pak se katër për qind, ose incidenca 14-ditore është më pak se 75, dhe përqindja pozitive më pak se një për qind.

    E kuqja do të thotë një normë 14-ditore prej 75-200, me një proporcion pozitiv më të madh se 4 për qind, dhe zonat ku norma 14-ditore është e infektuar është 200 deri në 500, dhe zonat e kuqe të errët nënkuptojnë një normë 14-ditore më të madhe se 500. ECDC vlerëson rrezikun e COVID-19 nga rajonet kryesore statistikore brenda vendit (NUTS 2). Bregdeti kroat mbeti në “portokalli” në hartën e fundit, që do të thotë se incidenca e rasteve të konfirmuara është më pak se 50, por pjesa e pozitivëve është më shumë se 4 për qind ose norma 14-ditore është midis 75 dhe 200, dhe pjesa e pozitivëve në mesin e të testuarve më pak se katër për qind.

    Rajonet kontinentale kroate janë ende të shënuara me ngjyrë të gjelbër. Rajonet statistikore NUTS 2 duhet të kenë një popullsi minimale prej 800 mijë dhe një maksimum prej tre milionë. Në Kroaci, ka vetëm katër rajone NUTS 2 – Kroacia Panonike, Kroacia Adriatike, Kroacia Veriore dhe Qyteti i Zagrebit. Ndryshe, në këtë hartë nuk janë përfshirë Kosova, Shqipëria, Mali i Zi, Bosnje e Hercegovina, Serbia, Maqedonia Veriore, Zvicra, Britania e Madhe dhe Rusia./KosovaPress

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Lajme fantastike/ Mjeku Alimehmeti shpjegon studimin e fundit gjerman për infektimin e fëmijëve me Covid

    Fëmijët kanë 41.6% gjasa më pak për t’u infektuar me koronavirus kur kanë një person pozitiv në familje si dhe kanë 5 fish më shumë gjasa ta kalojnë sëmundjen në mënyrë asimptomatike!

    Në këtë përfundim ka arritur studimi i kryer nga një bashkëpunim institucionesh elitare gjermane, të kryesura nga Qendra Spitalore Pediatrike Universitare e Tübingen (Gjermani).

    Mjeku i njohur shqiptar, Ilir Alimehmeti, ka shpjeguar disa të dhëna shumë interesante të studimit që është prepublikuar vetëm pak ditë më parë (22 Korrik 2021).

    Sipas Alimehmetit, ky është aktualisht studimi më i madh multicentrik që krahason përgjigjen e antitrupave të fëmijëve dhe të të rriturve në të njëjtat familje.

    Një tjetër gjetje që përbën një lajm shumë të mirë nga ky studim është se pavarësisht nga fakti që janë më shumë asimptomatikë, 11-12 muaj pas infektimit, fëmijët vazhdojnë të kenë më shumë antitrupa.

    ” 96.2% e fëmijëve kanë antitrupa 11-12 muaj pas infektimit, dhe
    82.9% e të rriturve kanë antitrupa 11-12 muaj pas infektimit.

    Infeksionet asimptomatike prodhonin të njëjtat nivele antitrupash si infeksionet simptomatike, qoftë te fëmijët, qoftë te të rriturit!”, shkruan Alimehmeti.

    POSTIMI I PLOTE

    ❗ “Fëmijët janë si makina me kilometrazhin zero kundër COVID-19”
    Cit.: Gurra popullore

    🙏 Një vëzhgim krejt i thjeshtë nga kushdo e vërteton shumë lehtë që fëmijët e kalojnë shumë më lehtë COVID-19, si rrjedhojë përgjigja e tyre imunitare duke qartësisht më e mirë.

    🇩🇪 Studimi i kryer nga një bashkëpunim institucionesh elitare gjermane, të kryesura nga Qendra Spitalore Pediatrike Universitare e Tübingen (Gjermani), dhe i prepublikuar vetëm 5 ditë më parë (22 Korrik 2021) është aktualisht studimi më i madh multicentrik që krahason përgjigjen e antitrupave të fëmijëve dhe të të rriturve në të njëjtat familje.
    📃 Në detaj, u studiuan:

    👨‍👩‍👧‍👧 328 familje me të paktën një rast pozitiv në periudhën Maj-Gusht 2020, nga të cilët
    👉 726 të rritur dhe
    👉 553 fëmijë.
    💉 Analizat u kryen në dy periudha të ndryshme pas infektimit:

    👉 109 ditë më pas (koha mediane e matjes së parë) dhe
    👉 340 ditë më pas (koha mediane e matjes së dytë).
    🔬 U analizuan 23 lloje antigjenesh të ndryshme që përfshijnë:

    🦠 SARS-CoV-2 origjinal,
    🦠 Variante e shqetësimit (VOC) dhe
    🦠 koronaviruset endemike njerëzore (HCoV).
    ✅ Siç pritej qartë nga epidemiologjia popullore, rezultatet flasin për sëmundje shumë të lehtë te fëmijët dhe për përgjigje më të fortë të antitrupave në krahasim me të rriturit.
    👨‍👩‍👧‍👧 Ndër të ekspozuarit, u infektuan:

    👉 33.8% e fëmijëve dhe
    👉 57.9% e të rriturve.
    ✅ Pra, qartësisht fëmijët kanë 41.6% gjasa më pak për t’u infektuar kur kanë një person pozitiv në familje.
    ✅ Fëmijët gjithashtu kanë 5 fish më shumë gjasa ta kalojnë sëmundjen në mënyrë asimptomatike!
    📃 Periudha e parë (109 ditë më pas medianisht):

    44.9% e fëmijëve të infektuar ishin asimptomatikë
    8.7% e të rriturve të infektuar ishin asimptomatikë.
    📃 Periudha e dytë (340 ditë më pas medianisht):
    45.7% e fëmijëve të infektuar ishin asimptomatikë

    11.0% e të rriturve të infektuar ishin asimptomatikë.
    🙏 Pavarësisht nga fakti që janë më shumë asimptomatikë, 11-12 muaj pas infektimit, fëmijët vazhdojnë të kenë më shumë antitrupa:
    ✅ 96.2% e fëmijëve kanë antitrupa 11-12 muaj pas infektimit, dhe
    ✅ 82.9% e të rriturve kanë antitrupa 11-12 muaj pas infektimit.

    ✅ Infeksionet asimptomatike prodhonin të njëjtat nivele antitrupash si infeksionet simptomatike, qoftë te fëmijët, qoftë te të rriturit!
    🙏 Tjetër gjetje inkurajuese në favor të fëmijëve është shkalla e shtrimit në spital:
    ✅ 0.00% e fëmijëve dhe
    👉 3.61% e të rriturve.
    📃 Autorët dalin në përfundimet:

    👉 Megjithëse fëmijët kanë ecuri klinike më të lehtë ose krejt asimptomatike pas infektimit me SARS-CoV-2, ata krijojnë një përgjigje imunitare antikorpale të fuqishme dhe të qëndrueshme në kohë.
    👉 Këto gjetje argumentojnë fort mbrojtjen e vazhdueshme pas infektimit dhe mund të informojë strategjitë e vaksinimit për fëmijët e shëruar nga SARS-CoV-2.
    📃 Pra, fjalia e fundit thotë në mënyrë diplomatike që këta fëmijë nuk kanë asnjë nevojë për t’u vaksinuar duke qenë se antitrupa janë aty dhe po bëjnë punën e tyre!
    📃 Gjithashtu, është studiuar vetëm përgjigja e disa antitrupave dhe, siç kemi përmendur gjithmonë, imuniteti përmban edhe antitrupa të tjere (p.sh. IgA), përgjigje qelizore dhe përgjigje imunitare kujtese.

    👨‍👩‍👧‍👧 Deri sa informacioni të shtohet, mos u panikosni për fëmijët miqtë e mi!
    ✅ Imuniteti i tyre (nëse nuk kanë sëmundje të tjera të rënda) bën punën e tij për mrekulli!
    🏃 Lërini të lirë të luajnë, të shkollohen, të jetojnë! 🏃‍♀
    Dr. Shk. Ilir Alimehmeti
    Epidemiolog Klinik
    Fakulteti i Mjekësisë, UMT
    Akademia e Shkencave të Shqipërisë

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Ngrihen qytetarët/ Vaksinimi i detyruar i njerëzve, shpêrthejnê protestat në Europë

    Gatishmëria për vaksinim po bie, por incidenca e infeksioneve po rritet. Vende të ndryshme në BE po marrin masat, për të nxitur sa më shumë njerëz që të vaksionohen. Por nuk po mungojnë as protesta kundër këtyre masave.

    “Flatten the curve”, “të ulet kurba” është një ndër sloganet e pandemisë së koronavrusit. Me këtë parullë është fjala për kurbën e infeksioneve të reja ditore. Por aktualisht po ulet një tjetër kurbë: ajo e vaksinimeve të reja. Pasi në fillim të vitit në vendet e BE-së për shkak të mungesës së furnizimit me vaksina ishte i frenuar procesi i vaksinimit, tani vërehet që njerëzit gjithnjë e më shumë po e humbasin gatishmërinë për të marrë vaksinën.

    Shumë politikanëve drejtues kjo nuk u pëlqen – për më tepër tani me rritjen e vlerave të incidencës së infeksioneve me variantin Delta të virusit. Në shumë vende si rrjedhojë ka shpërthyer debati, nëse duhet të ketë kufizime të ndryshme për të vaksinuarit dhe të pavaksinuarit, ose nëse duhet vendosur detyrimi për vaksinim, në mënyrë që të krijohet imuniteti i tufës në popullsi.

    Në Gjermani ky diskutim po vazhdon, ndërkohë që në vende të tjera janë marrë masat. Kryesisht sa i përket detyrimit për vaksinim për grupe të ndryshme profesionesh. Në shumë vende kanë nisur edhe protestat.

    Franca ka shpallur nga shtatori vaksinimin e detyrueshëm duke e vendosur atë si kusht për ushtrimin e profesionit. Në fundjavën e kaluar në Francë protestuan në mbarë vendin mbi 160.000 vetë kundër masave të rrepta ndaj Coronës. Protestuesit janë kundër detyrimit për vaksinim duke e konsideruar këtë si një ndërhyrje në të drejtën e vetëvendosjes. Kryesisht të punësuarit në sektorin e shëndetësisë, të sigurisë dhe shërbimit të emergjencës duhet të vaksinohen në rast të kundërt atyre nuk do t’u lejohet të vazhdojnë punën.

    Protestat drejtohen edhe kundër certifikatës digjitale të vaksinimit në BE. Kjo e ashtuquajtur „Pasaportë e gjelbër” provon që personi është i vaksinuar, i shëruar apo është testuar aktualisht me rezultat negativ. Protestat paqësore kanë qenë pjesërisht edhe me eksese duke shkaktuar përplasje me policinë.

    Greqia gjithashtu ka vendosur vaksinimin e detyrueshëm. Por edhe në Greqi njerëzit kanë protestuar. Të punësuarve u është lënë afat deri në mes të gushtit që të fillojnë vaksinimin, në rast të kundërt do t’u mbahet paga mujore. Nga shtatori në Greqi hyn në fuqi vaksinimi i detyrueshëm për sektorin e shëndetësisë. Sipërmarrësve që punësojnë personel të pavaksinuar do t’u vendosen gjoba deri në 200.000 Euro. Edhe vizitat në lokalet e gastronomisë si dhe aktivitetet kulturore do të jenë të hapura vetëm për të vaksinuarit.

    Kur u miratua ligji përkatës në parlament të enjten (22.07) në mbarë vendin protestuan rreth 5000 vetë. Policia përdori gaz lotësjellës dhe pompa të ujit për ta larguar turmën nga territori përpara parlamentit.

    Në Itali gjithashtu ka pasur protesta kundër „certifikatës digjitale të vaksinimit”. Detyrimi për vaksinimin e personelit shëndetësor në Itali është në fuqi qysh nga marsi. Qeveria vendosi që duke filluar nga 6 gushti në shumë mjedise publike të lejohen vetëm të vaksinuarit me pasaportën e gjelbër./DW

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • ‘Delta’ rikthen maskat! Ekspertët: Të mbahen edhe nga të vaksinuarit plotësisht

    Qendrat për Kontrollin dhe Parandalimin e Sëmundjeve në Shtetet e Bashkuara rekomanduan që amerikanët e vaksinuar plotësisht t’i kthehen vendosjes së maskës në ambiente të mbyllura në disa vende publike, për shkak të shqetësimeve që paraqet varianti më ngjitës i koronavirusit, Delta.

    Agjencia shëndetësore gjithashtu këshilloi që të gjithë nxënësit, mësuesit dhe stafi në kopshte dhe në shkolla të mbajnë maska, pavarësisht nga statusi i vaksinimit.

    Njoftimi paraqet ndryshim të politikës së miratuar në muajin maj, kur miliona amerikanë të vaksinuar i hoqën maskat e fytyrës, përveç në transportin publik dhe spitale.

    Qendrat për Kontrollin dhe Parandalimin e Sëmundjeve thanë se udhëzimet e përditësuara për maskat zbatohen vetëm në pjesët me nivele “të konsiderueshme dhe të larta” të transmetimit të koronavirusit, në mënyrë që të frenohet përhapja e variantit Delta dhe të mbrohen të pavaksinuarit.

    Drejtorja e Qendrave për Kontrollin dhe Parandalimin e Sëmundjeve, Rochelle Walensky, tha se rekomandimi i ri bazohet në shqetësimet nga varianti Delta.

    Derisa efikasiteti i vaksinave mbetet i lartë ndaj variantit Delta, “të dhëna të reja tregojnë se, në raste të rralla, disa njerëz të vaksinuar mund të jenë ngjitës dhe ta përhapin virusin te të tjerët”, tha Walensky.

    Studimet e fundit kanë treguar se sasia virale e të infektuarve me variantin Delta është shumë më e madhe se te njerëzit e infektuar në valën e parë të koronavirusit, çfarë e bën virusin më të transmetueshëm.

    Shtetet e Bashkuara janë duke regjistruar një mesatare shtatëditore prej 57,000 rastesh të të infektuarve. Shifra paraqet rreth një të katërtën e infeksioneve nga kulmi ditor i janarit, por është pothuajse pesë herë më e lartë se niveli i fillimit të korrikut.

    Rreth 49 për qind e popullsisë amerikane është plotësisht e vaksinuar dhe pothuajse të gjitha vdekjet dhe shtrimet në spital janë në mesin e njerëzve të pavaksinuar.

    Presidenti amerikan, Joe Biden, tha se administrata e tij po shqyrton nëse do të kërkojë që punonjësit federalë amerikanë të vaksinohen kundër koronavirusit.

    Punonjësve federalë mund t’iu kërkohet të tregojnë dëshmi se janë vaksinuar kundër koronavirusit – përndryshe do t’i nënshtrohen testimit të rregullt dhe do të mbajnë maska.

    Në vitin 2020 kanë qenë më shumë se 4.2 milionë punëtorë federalë në të gjithë SHBA-në, përfshirë edhe ata në ushtri.

    Më 26 korrik, Departamenti i Çështjeve të Veteranëve u bë agjencia e parë federale që kërkoi vaksinimin e punonjësve të saj shëndetësorë.

    Javëve të fundit, qeveri të ndryshme shtetërore dhe lokale, kompani private, administratorë të spitaleve dhe universitete në të gjithë SHBA-në kanë rikthyer detyrimin për maska në ambiente të brendshme dhe kanë lëshuar urdhra për vaksinim.

    Opera Metropolitane e Nju Jorkut njoftoi më 27 korrik se do të kërkojë që audienca dhe interpretuesit të vaksinohen plotësisht për sezonin e saj të ardhshëm, ndërsa gazeta Washington Post tha se të gjithë punonjësve të saj do t’iu kërkohet të paraqesin dëshmi të vaksinimit të plotë deri në mes të shtatorit.

    Sipas Universitetit Johns Hopkins, që ndjek të dhëna për pandeminë, koronavirusi ka prekur mbi 195 milionë njerëz në të gjithë botën. Prej tyre, mbi katër milionë kanë vd ekur.

    Shtetet e Bashkuara janë vendi më i prekur në botë, me mbi 34 milionë të infektuar dhe mbi 611,000 vik tima.

    REL

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • E njohur gjithë bota/ Zbuloi kurën e Covid-19 me plazmë gjaku, mjeku italian gjendet i pajetë

    Mjeku i njohur italian, Dr. Giuseppe De Donno është gjetur i vd ekur në shtëpinë e tij, dje. De Donno u bë i njohur në gjithë botën pasi zbuloi kurimin e Covid-19 te personat që ishin në gjendje të rëndë, me plazmë gjaku.

    Giuseppe De Donno ishte ish-mjeku kryesor i departamentit të Pneumologjisë të spitalit Carlo Poma në Mantua, shkruan newsb omb.al. Ai propozoi trajtimin eksperimental të bazuar në plazmën hiperimune gjatë valës së parë të Covid, kur vaksinat nuk kishin dalë ende.

    Në Itali misteri është i madh dhe autoritetet po hetojnë për shkakun e vd ekjes.

    Në qershor të këtij viti, De Donno zgjodhi jo vetëm të linte postin e tij si drejtues në Carlo Poma në Mantua por edhe specializimin, për t’u bërë një mjek i përgjithshëm. Kura e tij me plazmë nuk u njoh kurrë zyrtarisht, megjithëse rezultatet ishin pozitive.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • A do të detyrohen qytetarët që të vaksinohen? Ministrja e drejtësisë gjermane i ”jep fund” debatit

    Numri në rritje i infeksioneve me korona ka ndezur një debat për më shumë kufizimeve për njerëzit e pavaksinuar. Ministrja gjermane e Drejtësisë e hedh poshtë qartësisht një kërkesë për vaksinim me detyrim.

    Në një intervistë për Deutschlandfunk, ministrja gjermane e Drejtësisë Christine Lambrecht, tha se nuk do të kishte vaksinim të detyrueshëm për të gjithë. “Unë mendoj se kjo do të jete e pamundur,” tha ajo. “Nga njëra anë, kjo ka të bëjë me faktin se kjo vaksinë nuk ka kohë që ka dalë në treg, dhe nga ana tjetër se unë nuk mendoj se detyrimi për vaksimin nuk është i nevojshëm.”

    Ministrja po ashtu është kundër vaksinimit të detyrueshëm edhe për punonjësit e sektorit e shëndetësisë ose të sektorëve të tjerë. Ata që punojnë në spitale ose qendra përkujdesjeje dhe që nuk pranojnë të vaksinohen mund të detyrohet vetëm që të testohen rregullisht, tha Christine Lambrecht.

    Nga ana tjetër ministrja gjermane e Drejtësisë tha se nisur nga mundësia dhe oferta gratis për t’u vaksinuar në të ardhmen ata që nuk duan të vaksinohen, duhet që në të ardhmen t’i paguajnë vetë shpenzimet për testimin.

    Mjaft politikanë gjermanë janë për t’u dhënë më shumë të drejta dhe liri personave të vaksinuar dhe atyre që e kanë kaluar Covid-19.

    Edhe Kryetari i Shoqatës së Mjekëve, Weltärztebund, Frank Ulrich Montgomery, mendon se të vaksinuarve duhet t’u jepen më shumë liri në jetën e përditshme. Nuk ka asnjë arsye për t’u kufizuar të drejtat themelore të vaksinuarve dhe atyre që janë imunë “vetëm sepse disa skeptikë të përjetshëm i shmangen vaksinimit”, tha Montgomery.

    Deri tani në Gjermani janë vaksinuar plotësisht kundër koronavirusit rreth gjysma e banorëve, pra rreth 41.1 milion vetë. 50.6 milion – 60.9 përqind – kanë marrë të paktën një dozë vaksine./DW/

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP