Shqip Lajme

Category: Koronavirus

  • “Delta” hyri në Shqipëri, Tritan Kalo ka një mesazh shumë të rëndësishëm

    Mjeku i njohur Tritan Kalo u kërkon qytetarëve që të jenë shumë të kujdesshëm, të respektojnë masat kundër COVID-19 dhe të vaksinohen për të qenë të mbrojtur nga sëmundja, teksa alarmi rritet në kushtet që ministria e Shëndetësisë njoftoi dje se varianti “Delta” është zyrtarisht në Shqipëri.

    “Kohë kovidiane…. 26.07.2021…..Nuku është kurrë vonë për t’u përkujdesur për shëndetin tuaj dhe të të gjithë atyre, të cilët gjallojnë rreth jush…..vetndërgjegjësim dhe vetëm vetndërgjegësim….Hyrja e variantit “Delta” të virusit Sars-Cov2/Covid-19 është në vijimësi të qarkullimit nëpër botë, edhe të varianteve të tjera që prej atij të Wuhan-it, nga ishte pikënisja e kësaj Pandemije ose “flame mbarëbotërore”……

    Masat standarte të stërprovuara ndër dhjetra vite për uljen e vrullit dhe paksimin e humbjeve njerëzore, MHD (Maskë, Higjenë personale e kolektive, Distancim social) nuku e kanë humbur aspak vlefshmërinë e tyre KUR dhe aty KU është e mundur, që ato të zbatohen dhe respektohen…..

    Jeta e çdo Shqiptari është e paçmimtë për të, për familjen e tij dhe për të gjithë Shqiptarinë…..Në çdo kohë NE jemi për JU në vijën e parë të “luftës me armikun e padukshëm”, që me Punën, Përkushtimin, Profesionalizmin dhe Përkujdesjen tonë t’ju vimë në ndihmë në përballjen tuaj me infektimin nga virusi Sars-Cov2/Covid-19…..Javë të mbarë miq, kolegë, të afërm dhe bashkëatdhetarë….. Together forever!!” shkruan mjeku Kalo.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Pandemia e koronavirusit, një tjetër shtet euopian miraton përdorimin e certifikatës digjitale

    Certifikata digjitale e BE-së për vaksinimin do të jetë në gjendje të shërbejë si një biletë pranimi për dyqanet dhe kompanitë e shërbimit në Sllovaki.

    Parlamenti sllovak krijoi sot bazën ligjore për këtë, ku 77 anëtarë të Këshillit Kombëtar votuan pro, 55 kundër dhe një abstenim.

    Certifikata ofron informacion në lidhje me një vaksinim të plotë ose një test negativ dhe do të përdoret vetëm në rast se një valë tjetër e infeksioneve të koronavirusit do të çojë në kufizime.

    Masa ligjore është shoqëruar nga protesta të ashpra.

    Të premten, policia përdori gaz lotsjellës për të parandaluar që qindra aktivistë antivaksinë që të sulmonin ndërtesën e parlamentit. Një polic u plagos.

    Ish-kryeministri Pellegrini gjithashtu kritikoi ligjin duke paralajmëruar se ai do të ndajë njerëzit në dy klasa.

    Ministri i Shëndetësisë Vladimir Lengvarsky kundërshtoi duke thënë se vetëm një “rrezik minimal” buron nga njerëzit e vaksinuar.

    Sllovakia ka pothuajse 5,5 milionë banorë dhe më shumë se 1,9 milion njerëz janë plotësisht të vaksinuar.//ATSH

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Delta sapo u konfirmua në Shqipëri, por Britania e Madhe po heton për një variant të ri

    Agjencia e Shëndetit Publik në Angli njofton se ka nisur testimin laboratorik për një variant të ri të koronavirusit të quajtur B.1.621.

    16 raste të këtij varianti janë identifikuar deri tani në Britaninë e Madhe dhe pjesa më e madhe e tyre kanë lidhje me udhetimet jashtë vendit. Ky variant është përcaktuar si “variant nën hetim”.

    Shëndeti Publik raportoi se deri tani është herët për të thënë nëse ky variant shkakton simptoma më të rënda apo është imun ndaj vaksinave.

    Sipas Qendrës Evropiane për Parandalimin dhe Kontrollin e Sëmundjeve, varianti është zbuluar për herë të parë në Kolumbi në janar të këtij viti. Deri tani me këtë variant janë regjistruar 1,267 raste në të paktën 27 vende të botës përfshi SHBA, Spanjën, Francën, Meksikën dhe Hollandën.

    Qendra Europiane raportoi se ka prova Për një ndikim në transmetueshmërinë dhe në imunitet.

    Në një publikim paraprak nga studiuesit në Kolumbi të publikuar në muajin maj, thuhet se ka një rritje në frekuencën e infektimit në një kohë relativisht të shkurtër në disa qytete afër ku teorikisht duhej të ishin të mbrojtur nga imuniteti i tufës, çka tregon për një indikim epidemiologjik.

    Varianti ka pesë mutacione, ndër to mutacionet E484K, R346K, N501Y, D614G dhe P681H, sipas ECDC. Mutacionet E484K dhe R346K mund të ndihmojnë virusin të shmangë disa lloje të antitrupave, ndërsa mutacionet N501Y, P681H dhe D614G janë shoqëruar me rritje të transmetueshmërisë.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Pas konfirmimit të variantit Delta, Manastirliu thirrje qytetarëve: Vaksinimi, arma më e fuqishme!

    Ministrja e Shëndetësisë Ogerta Manastirliu ka reaguar pas konfirmimit të variantit Delta në vendin tonë.

    Përmes një postimi në rrjetet sociale, ministrja Manastirliu ka theksuar se duhet nga të gjithë respektimi rigoroz i masave parandaluese, izolimi i menjëhershëm dhe vaksinimi.

    Gjithashtu ajo shton se armë më e fuqishme për të frenuar përhapjen e virusit është vaksinimi, prandaj dhe u bën apel të gjithë qytetarëve që të vaksinohen për të shpëtuar jetë.

    “Konfirmimi i prezencës së variantit Delta në Shqipëri nga laboratori i referencës Charite në Berlin, kërkon nga të gjithë respektim rigoroz të masave parandaluese, izolim të menjëhershëm në rast dyshimi dhe konfirmimi të virusit #Covid19 dhe mbi të gjitha VAKSINIM, VAKSINIM, VAKSINIM, si arma më e fuqishme për të frenuar përhapjen e virusit dhe për të shpëtuar jetë!”, shkruan ministrja.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • E konfirmon Ministria e Shëndetësisë: Varianti DELTA i Covid ka mbërritur në Shqipëri!

    Ministria e Shëndetësisë konfirmon prezencën e variantit Delta të Covid-19 në Shqipëri.

    Ministria e Shëndetësisë dhe Mbrojtjes Sociale bën të ditur se në vijim të procesit të monitorimit të situatës së Pandemisë COVID-19 nga Instituti i Shëndetit Publik, pjesë e së cilës është dhe monitorimi për variantet qarkulluese, nga kampionet e dërguara në Institutin e Virologjisë – Charite në Berlin të Gjermanisë, ku u krye analiza e thellë gjenetike e sekuencimit të gjenomës së virusit në këto kampione, rezultoi varianti Delta B.1.617.2.

    Konfirmimi i qarkullimit të variantit Delta në Shqipëri, i dyshuar nga sinjalet laboratorike dhe tashmë i konfirmuar nga Laboratori i Referencës në Berlin, përkon dhe me rritjen e infektimeve në 2 javët e fundit në vendin tonë.

    MSHMS apelon qytetarët të vaksinohen në qendrën më të afërt të vaksinimit, në qendër shëndetësore, qendrat e vaksinimit masiv apo me njësitë lëvizëse.

    Vaksinimi, shpëton jetë! Vaksinat veprojnë, ato reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

    Varianti Delta i infeksionit Sars-Cov2 është varianti më i transmetueshëm, ndaj respektimi i masave të distancimit fizik, vendosja e maskave në ambientet e brendshme dhe higjena, janë thelbësore për kufizimin e përhapjes së virusit.

    Ministria e Shëndetësisë i drejtohet të gjithë qytetarëve të zbatojnë rigorozisht masat parandaluese:

    Vetëkarantinimin paraprak në rastet kur keni shenja të virusit Covid19 apo nëse keni patur kontakte me persona të konfirmuar me këtë virus.

    Ftojmë qytetarët të kontaktojnë menjëherë me mjekun e familjes për çdo dyshim dhe të zbatojnë udhezimet e mjekut për protokollin e ndjekjes dhe trajtimit. Për çdo emergjencë shëndetësore kontaktoni në numrin unik 127 me Qendrën Kombëtare të Urgjencës Mjekësore.

    Edhe një herë, Ministria e Shëndetësisë apelon për vaksinim masiv, për të frenuar përhapjen e virusit të rrezikshëm.

    Aktualisht në Shqipëri janë kryer 1,134,085 vaksinime, nga të cilat, 496,714 mijë qytetarë janë vaksinuar me të dy dozat e vaksinës anticovid. Edhe sot vijon vaksinimi i hapur për çdo qytetar +18 vjeç në qendrat e vaksinimit kudo nëvend, deri në orën 8 të mbrëmjes.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Po vjen vala “Delta”/ Rritje 180%, paralajmërimi i fortë: Ja dy skenarët dhe rruga e shpëtimit

    Rastet e reja me COVID-19 mbeten në nivele të larta në Greqi, me shifrat që shkojnë deri në 178.8% krahasuar me muajin e kaluar, duke intensifikuar shqetësimin e ekspertëve lidhur me atë që mund të ndodhë në gusht dhe vjeshtë.

    Profesori i Pulmonologjisë në Universitetin e Kretës, Nikos Tzanakis nuk është aspak optimist në parashikimin që bën për muajin gusht, referuar valës së që po sjell varianti “Delta”. “Dy skenarët që kemi parashikuar mbeten.

    Skenari i mirë është që të kemi 3,000-3,500 raste ditore. Skenari më i keq me kulminacionin e tij të paqartë mund të arrijë 5,000-5,500 raste deri në shtator” tha ai.

    Jo vetëm infektimet, por edhe spitalet po rimbushen. Profesori i Sëmundjeve Infektive në Universitetin e Patras, Charalambos Gogos tha se shtrimet në spitale po rriten me një normë prej 25% në 26% në ditë, me një rritje paralele në intubim.

    “Kjo valë ka të bëjë edhe me mutacionin Delta, sepse virusi është më ngjitës, por me heqjen e masave dhe mosrespektimin e masave tashmë ekzistuese. Rritja e shtrimeve në spital është një sinjal, pasi kemi një rritje mesatare prej 25% -26% nga dita në ditë dhe një rritje të vogël të intubimit, por në nivele të menaxhueshme.

    Vala do të jetë e madhe në lidhje me kurbën epidemiologjike por jo aq e fortë në lidhje me shtrimet në spital dhe intubimin” vlerësoi ai. Dy profesorët këshillojnë që shpëtimi i vetëm është vaksinimi kundër sëmundjes. Në 24 orët e fundit në Greqi janë shënuar 2472 raste me COVID-19 dhe 8 humbje jete.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • “Ethet” nga Covid-19 dhe varianti Delta, Mali i Zi merr vendimin e rëndësishëm

    Në Mal të Zi, nisur nga sot deri më 2 gusht, do të ndalohet puna e klubeve të natës dhe diskotekave, si në ambiente të hapura, ashtu edhe të mbyllura, bëri të ditur Instituti i Shëndetit Publik në këtë vend.

    Vendimi u mor pasi, siç u tha, rritjes së numrit të rasteve me koronavirus.

    Me të ndalohen edhe ahengjet dhe festivalet e muzikës, si dhe çdo tubim masiv në ambiente të mbyllura.

    Nga 2 gushti, qëndrimi në ambiente të brendshme të hotelierisë do të lejohet vetëm për qytetarët që kanë test negativ për koronavirusin (PCR), konfirmim se janë vaksinuar me së paku dozën e parë të vaksinës ose dëshmi se janë shëruar nga koronavirusi, tha drejtori i Institutit të Shëndetit Publik në Mal të Zi, Igor Galliq.

    Ministria e Shëndetësisë e Malit të Zi tha se masat janë ashpërsuar për shkak të mosrespektimit të tyre, veçanërisht në qytetet bregdetare.

    Sipas të dhënave të fundit, në Mal të Zi janë 480 raste aktive me koronavirus – 136 prej tyre në qytetin turistik të Budvës.

    Sipas të dhënave të Organizatës Kombëtare të Turizmit, në qytetet në bregdet dhe në veri të Malit të Zi aktualisht ndodhen rreth 110 mijë turistë, çfarë do të thotë 80 për qind më shumë se në vitin 2019.

    Turistëve të huaj u lejohet hyrja në Mal të Zi pa test PCR ose certifikatë vaksinimi./rel

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Përhapja e variantit Delta, eksperti grek ngre alarmin: Do i prekë të gjithë, kjo është e vetmja rrugë që iu shpëton

    Profesori i Pulmonologjisë në Greqi, Nikos Tzanakis ka dhënë al armin për përhapjen e mutacionit ‘Delta’

    Sipas mediave greke, ai theksoi se shqetësimi në rritje është për shkak të faktit se transmetueshmëria e tij është rreth 60% më e lartë se britanikët, e cila nga ana tjetër ishte 50% më ngjitëse sesa lloji origjinal i koronavirusit.

    “Transmetohet menjëherë“- tha ai, duke theksuar se të vaksinuarit plotësisht do të sëmuren me një shkallë shumë të ulët nga mutacioni Delta, por kryesisht ata që do të sëmuren do ta kalojnë lehtë dhe nuk do të duhet të shtrohen në spital.

    Ai gjithashtu tha se një problem i madh janë të rinjtë e pavaksinuar nën 18 vjeç, pasi po flasim për një pjesë të popullsisë që arrin rreth 2 milion.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • Vjen lajmi mahnitës nga shkencëtarët izraelitë, zbulojnë dy ilaçe shërojnë Covid-19 100%

    Shkencëtarët nga Universiteti Hebraik i Jeruzalemit thonë se ata kanë identifikuar disa ilaçe që mund të ndihmojnë në trajtimin, në mos “shërimin” e njerëzve që zhvillojnë COVID-19.

    Prof. Shy Arkin, një biokimist në Institutin e Shkencës së Jetës Alexander Silberman, i tha The Jerusalem Post se në testet laboratorike në të cilat qelizat e infektuara me SARS-CoV-2 ishin vendosur së bashku me ilaçet për dy ditë, “pothuajse 100% e qelizat jetuan pavarësisht se ishin infektuar me virusin “.

    Në të kundërt, pa përbërjet e mëparshme të ilaçeve, rreth 50% e qelizave vdiqën pasi ranë në kontakt me virusin.

    Arkin dhe ekipi i tij u mblodhën përmes një biblioteke me më shumë se 2,800 përbërës të aprovuar për përdorim, duke identifikuar 18 ilaçe që ata mendonin se mund të ishin efektive. Në punën e pabotuar, studiuesit ishin në gjendje të tregonin se disa prej këtyre përbërjeve “shfaqën një potencial të jashtëzakonshëm kundër të gjithë virusit në eksperimentet in-vitro”.

    Dy prej tyre janë Darapladib, të përdorura për trajtimin e aterosklerozës dhe Flumatinib, të përdorura për trajtimin e disa kancereve të gjakut. Arkin tha se ai hezitonte të tregonte emrat e ndonjë prej ilaçeve, duke shtuar se ai nuk mund t’i rekomandonte ato derisa t’i nënshtroheshin provave të duhura klinike.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP

  • SHBA nën “kthetrat” e koronavirusit, 83% e infektimeve të reja janë me variantin “Delta”

    Autoritetet në SHBA kanë ngritur alarmin, pasi variant “Delta” i COVID vijon të përhapet me shpejtësi, teksa vlerësohet se 83% e rasteve të reja janë më këtë variant.

    Zyratërt u kanë bërë thirrje qytetarëve që të vaksinohen, apsi khjo është e vetmja mënyrë për të luftuar virusin.

    “Mënyra më e mirë për të parandaluar përhapjen e varianteve të koronavirusit, është që të parandalojmë përhapjen e sëmundjes, derisa vaksinimi është gjëja më e fuqishme që kemi”, tha Rochelle Ëalensky, drejtore e Qendrave për Parandalimin dhe Kontrollin e Sëmundjeve.

    Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

    SHQIPERIA IME GRUP